පාර්ලිමේන්තුවට අද (10) දින ඉදිරිපත් කර සම්මත කිරීමට නියමිතව තිබූ වැට් බදු පනත් සංශෝධන පනත් කෙටුම්පත යලි හෙට (11) දිනයේදී පාර්ලිමේන්තුවට ඉදිරිපත් කර සම්මත කර ගැනීමට කටයුතු කරන බව ආණ්ඩු පක්ෂයේ ප්‍රධාන සංවිධායක අමාත්‍ය ප්‍රසන්න රණතුංග මහතා පවසනවා.
ඝණ පූර්ණය නොමැති වීම හමුවේ සභාව කල් තැබීමෙන් පසු සභානායක අමාත්‍ය සුසිල් ප්‍රේමජයන්ත සහ තමන් කථානායකවරයා හමුවී මේ පිළිබඳව සාකච්ඡා කළ බව අමාත්‍ය ප්‍රසන්න රණතුංග මහතා නිවේදනයක් නිකුත් කරමින් සඳහන් කළා.
වැට් බදු සංශෝධන පනත් කෙටුම්පත පිළිබඳ විවාදය සඳහා අද පාර්ලිමේන්තුව රැස් වුව ද ගණ පූර්ණය නොමැති වීම හේතුවෙන් සභාවේ කටයුතු හෙට දිනය දක්වා කල් තැබීමට සිදු වුණා.
කෙසේ වෙතත් අද විවාදයට ගැනුණු වැට් බදු පනත සම්මත කිරීම විපක්ෂය විසින් හිතාමතා කඩාකප්පල් කළ බවද අමාත්‍යවරයා ප්‍රකාශ කළා.
