ලබන පෙබරවාරියේ පැවැත්වෙන මෙරට 75 වන නිදහස් දින සැමරුම් උළෙලේ දී ජාතික ගීය දමිළ භාෂාවෙන් ද ගායනා කිරීමේ ගැටලුවක් නැතැයි කැබිනට් ප්රකාශක, ප්රවාහන, මහාමාර්ග සහ ජනමාධ්ය අමාත්ය ආචාර්ය බන්දුල ගුණවර්ධන පවසනවා.
ඒ, පසුගිය දිනක රජයේ ප්රවෘත්ති දෙපාර්තමේන්තුවේ දී පැවති කැබිනට් තීරණ දැනුම්දීමේ මාධ්ය හමුවේදී මාධ්යවේදියෙකු නැගූ පැනයකට පිළිතුරු දෙමින්.
ජාතික ගීය මීට පෙර පැවති නිදහස් දින සැමරුම් උත්සවවලදී ද මෙරට රාජ්ය භාෂා වන සිංහල හා දමිල භාෂාවලින් ගායනා කර තිබෙන බවයි අමාත්යවරයා පෙන්වා දෙන්නේ.
75 වන නිදහස් දින සැමරුම් උළෙලේ කටයුතු සංවිධානය කිරීම සඳහා ජනාධිපතිවරයා සහ අගමැතිනරයා සමඟ ඇමතිවරුන් අට දෙනෙකුගෙන් යුත් අමාත්ය මණ්ඩල අනුකමිටුවක් පිහිටුවීමට ද අමාත්ය මණ්ඩල අනුමැතිය හිමිවූ බව බන්දුල ගුණවර්ධන මෙහිදී සඳහන් කර සිටියා.