දින 27 කට පෙට්රල් තොග සහ දින 24 කට ප්රමාණවත් ඩීසල් තොග පවතින බව බලශක්ති අමාත්ය උදය ගම්මන්පිල මහතා පවසනවා.
එම ප්රමාණයට වඩා මිලදී ගැනීමට මූල්යමය ශක්තියක් නොමැති බවත් ගබඩා පහසුකම් නොමැති බවත් ඔහු පෙන්වා දෙනවා.
ඒ මහතා මේ බව ප්රකාශ කර සිටියේ කොළඹදී අද (17) පැවති මාධ්ය හමුවක් අමතමින්.
විදේශ විනිමය අර්බුදය පිළිබඳවත් එබැවින් ඉන්ධන මිල වැඩි කිරීමට සිදුවීම පිළිබඳවත් ජනතාවට රජය විසින්ම හෙළි කළ බැවින් ‘තිත්ත වුවත්’ ඇත්ත සැඟවීමට බලාපොරොත්තු නොවන බවයි ඔහු පවසන්නේ.
කෙසේ නමුත් ඉන්ධන හිඟයන් දැනට නොමැති බවත් එසේ හිඟයක් ඇතිවුවහොත් ජනතාවට දැනුම් දෙන බවත් අමාත්යවරයා පවසනවා.