29 C
Colombo
Sunday, June 23, 2024
spot_img

දුම්පානයෙන් කොවිඩ් අවදානම වැඩිවෙන්නේ මෙහෙමයි

- Advertisement -

දුම්පානය කරන්නන් හා සිගරට් දුමට නිරාවරණය වන්නන් මගින් කෝවිඩ්-19 ව්‍යාප්තිය ශීඝ්‍ර ලෙස සිදුවන බවත්, එසේම ඔවුන් වෛරසය හේතුවෙන් මිය යෑමේ අවදානම ඉහළ මට්ටමක පවතින බවත් ශ්‍රී ලංකා සෞඛ්‍ය අධ්‍යාපන නිලධාරීන්ගේ සංගමයේ අධ්‍යයන හා පර්යේෂණ කමිටුව නිගමනය කර තිබේ.

ඒ අනුව අවම වශයෙන් කෝවිඩ්-19 වසංගතය පහව යනතුරු සියලු දෙනා දුම්පානයෙන් හා සිගරට් දුමට නිරාවරණය වීමෙන් වැළකීම අත්‍යවශ්‍ය බවයි කමිටුව අවධාරණය කරන්නේ.

එම කමිටුව මෙම නිර්දේශ ඉදිරිපත් කර ඇත්තේ, ගත වූ වසර එකහමාරක කාලය තුළ විදෙස් රටවල සිදුකරනු ලබන ප්‍රජා මූලික පර්යේෂණ 16ක් විශ්ලේෂණය කිරීමෙන් අනතුරුවයි. ඒ අනුව, දුම්පානයෙන් හා සිගරට් දුමට නිරාවරණය වීමෙන් වැළකීම කෝවිඩ්-19 ව්‍යාප්තිය අවම කර ගැනීමට මෙන්ම වෛරසය ආසාදනය වීම හේතුවෙන් දරුණු සංකූලතා ඇති වීම වළක්වාගැනීමටද හේතු වන බව අදාළ පර්යේෂණයෙන් නිගමනය කර තිබේ.

එසේම එම පර්යේෂණ ප්‍රතිඵල අනුව දුම්පානය කරන්නන් හා සිගරට් දුමට නිරාවරණය වන්නන්ගේ (අක්‍රීය දුම්පානය සිදුකරන පුද්ගලයන්) පෙනහළු රෝගී වීම් නිසා දුම්පානය නොකරන හා සිගරට් දුමට නිරාවරණය නොවන පුද්ගලයන්ට සාපේක්‍ෂව කෝවිඩ්-19 නිසා ඇති වන සංකූලතා වැඩි වන අතර රෝගය වැලඳුණහොත් මියයාමේ හැකියාවද ඉහළය.

දුම්පානය නොකරන හා සිගරට් දුමට නිරාවරණය නොවන පුද්ගලයන්ට සාපේක්‍ෂව දුම්පානය කරන්නන් හා සිගරට් දුමට නිරාවරණය වන්නන්ට කෝවිඩ්-19 වැලඳුණු විට ඇති වන සංකූලතාවල තීව්‍රතාවද ඉහළය. දුම්පානය නොකරන හා සිගරට් දුමට නිරාවරණය නොවන පුද්ගලයන්ට සාපේක්‍ෂව දුම්පානය කරන්නන් හා සිගරට් දුමට නිරාවරණය වන්නන් මගින් කෝවිඩ්-19 රෝගය ව්‍යාප්ත වීම ශීඝ්‍රව සිදුවේ.

මීට අමතරව, මහජනතාව හා රජය ඇතුළු සියලු පාර්ශ්වවල ක්‍ෂණික අවධානයට ලක් විය යුතු නිර්දේශ කිහිපයක්ද පර්යේෂණය අවසානයේ පර්යේෂණ කණ්ඩායම විසින් දක්වා තිබේ.

ඒ අනුව, අවම වශයෙන් කෝවිඩ්-19 වසංගතය පහව යනතුරු සියලුදෙනා දුම්පානයෙන් හා සිගරට් දුමට නිරාවරණය වීමෙන් වැළකීම අත්‍යවශ්‍ය අතර, එමගින් රෝගය ව්‍යාප්ත වීම අඩු කරගැනීමට මෙන්ම රෝගය නිසා දරුණු සංකූලතා ඇති වීම වළක්වාගත හැකි බව එහි දක්වා තිබේ.

කොවිඩ් ආසාදිත පුද්ගලයන්, නිරෝධායනයට ලක්ව සිටින අය හා කෝවිඩ්-19 නිවාරණ ඉදිරි පෙළ කණ්ඩායම් දුම්පානයෙන් හා සිගරට් දුමට නිරාවරණය වීමෙන් වැළකීම අත්‍යවශ්‍යය.

තවද, නිරෝධායනයට ලක් වූ නිවෙස්වල අයවලුන් හා ආශ්‍රිතයන් දුම්පානයෙන් හා සිගරට් දුමට නිරාවරණය වීමෙන් (අක්‍රීය දුම් පානයෙන්) වැළකීම අත්‍යවශ්‍ය බවද අදාළ නිර්දේශවල දැක්වෙයි.

RECENT ARTICLES - SINHALA

තියුණු ආයුධයකින් පහරදී පුද්ගලයෙකු ඝාතනය කරයි

බහින් බස්වීමක් දුරදිග යාමෙන් පුද්ගලයෙක් විසින් තියුණු ආයුධයකින් පහරදී තවත් පුද්ගලයෙක්ව ඝාතනය කර තිබෙනවා. පොලීසිය සඳහන් කළේ ඊයේ (22) අලුයම් කාලයේදී කටුවන පොලිස් වසමේ අමුදමන...

රාජ්‍ය මූල්‍ය කටයුතු ගැන හොයන්න පාර්ලිමේන්තු කාරක සභා 20ක්

රාජ්‍ය මූල්‍ය සහ රජයේ ප්‍රතිපත්තිමය කරුණු පිළිබඳව පාර්ලිමේන්තුවේ අධීක්ෂණය තවදුරටත් ශක්තිමත් කිරීමේ අරමුණින් ආංශික අධීක්ෂණ කාරක සභා 20ක් පිහිටුවා ඇති බව මුදල් ආර්ථික ස්ථායීකරණ...

පෙර පාසල් ගුරුවරුන්ගේ දීමනාව ගැන දැනුම් දීමක්

පෙර පාසල් ගුරුවරුන් සඳහා වැඩි කළ දීමනාව, මේ මාසයේ සිට ලබාදෙන බව, කාන්තා, ළමා කටයුතු සහ සමාජ සවිබල ගැන්වීමේ අමාත්‍යංශය පවසනවා. විශේෂ චක්‍රලේඛයක් නිකුත් කරමින්...

POPULAR ARTICLES

සියලුම රථවාහන හිමියන්ට විශේෂ දැනුම්දීමක්

පොහොය දිනයන්වල මාර්ග තදබදයක් ඇතිවන ලෙස මාර්ග අවහිරවන සේ වාහන නවතා තබන රියැදුරන්ට එරෙහිව නීතිමය ක්‍රියාමාර්ග ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ...

උසස් පෙළ අයදුම්කරුවන්ට දැනුම්දීමක්

2024 උසස් පෙළ විභාගය සඳහා අයදුම්පත් භාරගැනීමේ අවසාන දිනය දීර්ඝ නොකරන බැවින් ඊට පෙර අයදුම්පත්‍ර යොමු කරන ලෙස විභාග දෙපාර්තමේන්තුව අයදුම්කරුවන්ගෙන් ඉල්ලීමක් කරනවා. ජූලි මස...

පළමු වසරට ළමු​න් ඇතු​​ලු කරන චක්‍රලේඛයේ වෙනසක්

පාසල් වල පළමුවන ශ්‍රේණියට ළමුන් ඇතුළත් කිරීම චක්‍රලේඛ උපදෙස් සංශෝධනය කිරීමට කැබිනට් අනුමැතිය හිමිවී තිබෙනවා. රජය පවසන්නේ, අධ්‍යාපනයේ සම සාධාරණ ප්‍රවේශ අවස්ථා තහවුරු වන...