කොවිඩ් ආසාදනය වූ දෙහිවල සත්වෝද්‍යානයේ ‘තෝර්’ නැමැති සිංහයාගෙ නිව්මෝනියා තත්ත්වය උත්සන්න වීම හේතුවෙන් විශේෂ ප්‍රතිකාර ආරම්භ කර ඇති බව වාර්තා වේ.
තෝර් ක්‍රමයෙන් සුවය ලබමින් සිටින බව මීට ඉහතදී ප්‍රකාශ වූවත් තෝර් පිළිබඳව දැඩි අවධාන‍යෙන් පසුවන සත්වෝද්‍යාන පරිපාලනයට සිංහයාගේ සමෙහි තුවාලද ඇතිව ඇති බව නිරීක්ෂණය වී ඇත.
එම සිංහායාර වැලඳී ඇත්තේ ඇල්ෆා ප්‍රභේදය බවට මේ වනවිට තහවුරු වී ඇති අතර සිංහ ධේනුවගේ ද සාම්පල ජාන විශ්ලේෂණ පරීක්ෂණයක් සිදු කිරීම සඳහා ශ්‍රී ජයවර්ධනපුර විශ්වවිද්‍යාලයට යොමුකර ඇත.
සිංහ ධේනුවට ද ඇල්ෆා ප්‍රභේදයම වැලඳී ඇති බවට සැක කරන බව දෙහිවල සත්ත්ව උද්‍යානයේ කොරෝනා ආසාදිතව හඳුනාගත් සිංහයන් සම්බන්ධව පරීක්ෂණ සිදු කරන රාගම වෛද්‍ය පීඨයේ ජ්‍යෙෂ්ඨ මහාචාර්ය සුනිල් චන්ද්‍ර මහතා පවසනවා.
තෝර් ඇතුළු සත්වෝද්‍යානයේ සතුන් වෙනුවෙන් ඉන්දියාවෙන් ගෙන්වූ විශේෂ ඖෂධද ලබාදීමට මේවන විටත් කටයුතු කර තිබෙනවා.
කෙසේ නමුත්, මිනිසුන්ගෙන් සතුන්ට කොරෝන වෛරසය බෝවීමේ ප්‍රවණතාවයක් පැවතියද සතුන්ගෙන් කොරෝනා වෛරසය මිනිසුන්ට බෝ නොවන බවයි රාගම වෛද්‍ය පීඨයේ ක්ෂුද්‍ර ජීවවිද්‍යා අංශයේ ජ්‍යෙෂ්ඨ මහාචාර්ය සුනිල් චන්ද්‍ර මහතා පවසන්නේ.
