බාලවස්කාර සාමනේර හිමිනමකට වසර තුනක පමණ කාලයක සිට බරපතළ ලිංගික අතවර කල විහාරාධිපති හිමි නමක් ඇතුළු ස්වාමීන් වහන්සේලා තුන්නමක් අත්අඩංගුවට ගත්බව පයාගල පොලිසිය සඳහන් කරනවා.
මෙසේ අත්අඩංගුවට ගෙන ඇත්තේ කළුතර , පයාගල ගොරකදෙනිය විහාරස්ථානයක වැඩවසන 43 සහ 17 වියැති තුන් නමක් බවත් අතවරයට පත් සාමනේර හිමි නමගේ මව විසින් කල පැමිණිල්ලක් අනුව පොලිසිය පරීක්ෂණ සිදුකර තිබෙනවා.
ඉකුත් මැයි 04 නීතිඥයකු මාර්ගයෙන් කළුතර මහේස්ත්රාත් අධිකරණයට ඇප අයදුම්පතක් යොමුකර තිබූ අතර ,එය ප්රතික්ෂේප කර අත්අඩංගුවට ගන්නැයි අධිකරණය පොලිසියට නියෝග කර තිබුණා.
ඒ අනුව පලාගොස් සිටී ස්වාමීන් වහන්සේලා තුන්නම අද පයාගල පොලිසියට භාරවීමෙන් පසු අත්අඩංගුවට ගෙන ඇති බව පොලීසිය සඳහන් කරනවා.
පැමිණිල්ලේ සදහන් වන්නේ 2021 වර්ෂයේ සිට විහාරාධිපති හිමි සහ අනෙක් ස්වාමීන් වහන්සේලා දෙනම සිය කාමර වලදී සාමනේර හිමිනමට වරින්වර බරපතළ ලිංගික අතවර සිදුකල බවයි.
අතවරයට පත් සමනේර හිමි වෛද්ය පරීක්ෂණ සදහා කළුතර ශීක්ෂණ රෝහලට යොමුකර වෛද්ය වාර්තා ලබාගත් බවත් සැකකාර හිමිවරුන් වැඩිදුර විමර්ශන සදහා ළමා හා කාන්තා කාර්යාංශ මූලස්ථානය වෙත භාරදුන් බවත්පොලිසිය පවසනවා.