අධ්‍යයන පොදු සහතික පත්‍ර සාමාන්‍ය පෙළ විභාගයට අදාළව වංචා සිද්ධීන් තුනක් ඊයේ (06) දින වාර්තා වී තිබෙනවා.
විභාග දෙපාර්තමේන්තුව කියා සිටියේ බිබිල වෙල්ලස්ස ජාතික පාසලේ විභාග අපේක්ෂිකාවක් තම ජංගම දුරකථනයෙන් ගුරුවරයකු වෙත ගණිතය ප්‍රශ්න පත්‍රය වට්ස්ඇප් මාර්ගයෙන් යොමු කර පිළිතුරු ලබාගෙන ඇති බවයි.
ඊට අමතරව හේනේගම මහා විද්‍යාලය හා සීදුව ප්‍රදේශයේ විභාග මධ්‍යස්ථානයේදී අකටයුතුකම් වාර්තා වී තිබෙනවා.
එම අපේක්ෂකයන් දෙදෙනෙක් ජංගම දුරකථන භාවිතයෙන් ගණිතය ප්‍රශ්ණ පත්‍රයවෙන් වෙන් වශයෙන් ගුරුවරුන් වෙත යොමු කර පිළිතුරු ලබා ගැනීමට යාමේ දී නිරික්ෂකවරයා විසින් මේ අනාවරණය කරගෙන ඇති බව සඳහන්.
මෙම සිදුවීම් සම්බන්ධව නීතිමය පියවර ගන්නා බවයි නියෝජ්‍ය විභාග කොමසාරිස් ලසික සමරකෝන් මහතා පවසන්නේ.
