ලංකාවේ ආරම්භ කිරීමට නියමිත ව්යාපෘති තුනක වැඩ කටයුතු කඩිනමින් ආරම්භ කිරීමට ඉන්දීය රජයේ අවධානය යොමුව තිබෙනවා.
ඒ නවීන තාක්ෂණයෙන් යුතු හැඳුනුම්පතක් නිකුත් කිරීම, සූර්ය බල විදුලි ව්යාපෘතිය හා ඉන්දියාව හා ශ්රී ලංකාව අතර නෞකා සේවයක් ආරම්භ කිරීම යන ව්යාපෘතින් වේ.
ජනාධිපති ජ්යෙෂ්ඨ උපදේශක සාගල රත්නායක මහතා හා ඉන්දියානු මහ කොමසාරිස් ගෝපාල් බග්ලේ මහතා අතර පසුගිය සතියේ පැවැති හමුවකදී මේ පිළිබඳව සාකච්ඡා කර තිබෙනවා.
එහිදී උතුරේ දූපත් 03ක සූර්ය බල ව්යාපෘතියක් ආරම්භ කිරීමට නියමිත අතර ඒ පිළිබඳව මෙහිදී සාකච්ඡා කර තිබෙන බවට සදහන් වනවා.
නවීන තාක්ෂණයෙන් යුතු හැඳුනුම්පතක් නිකුත් කිරීමට අදාළව ඉන්දියානු රජය ආධාර කිරීමට කැමැත්ත පළ කර ඇති අතර ඊට අදාළ කටයුතු මේ වන විට සක්යතා මට්ටමේ පවතින බවත් ඉන්දියාවේ රාමේෂ්වරම් හා තලෙයි මන්නාරම අතර පෙරි නාවුක සේවයක් ආරම්භ කිරීමට අදාළව ද සාකච්ඡා කර තිබෙන අතර කන්කසන්තුරේ හා ඉන්දියාවේ කරිකාල් අතර පෙරි සේවය ආරම්භ කිරීම අවසන් අදියරේ පසුවන බවත් සඳහන්.
මෙම කටයුතු හැකි ඉක්මණින් ආරම්භ කිරීම ගැන මෙහිදී දෙපාර්ශ්වය එකඟතාවයට පැමිණ තිබෙනවා.