කොළඹ බදුල්ල ප්‍රධාන මාර්ගයේ බලන්ගොඩ ඕපනායක උඩවෙළ ප්‍රදේශයේදී ඩිපෙන්ඩර් වර්ගයේ ජිප් රථයක් සහ වැලි ප්‍රවාහනය කරමින් තිබු ටිපර් රථයක් එකිනෙකට ගැටිමෙන් අද (19) සිදු වු අනතුරකින් තරැණියක ඇතුළු 06 දෙනෙකු තුවාල ලබා බලන්ගොඩ මුලික රෝහලට ඇතුලත් කර තිබෙන බව ඕපනායක පොලිසිය පවසනවා.
ඩිපෙන්ඩර් රථයේ ගමන් කල තරැණියක සහ එහි ගමන් කල තවත් තරුණයන් හතර දෙනෙකු සහ ටිපර් රථයේ රියදුරු මෙලෙස තුවාල ලබා රෝහල් ගත කර තිබෙනවා.
තුවාලකරුවන් අතුරින් සිව්දෙනෙකුගේ තත්වය බරපතළ බැවින් වැඩිදුර ප්‍රතිකාර සදහා රත්නපුර මහා රෝහල වෙත මාරු කර යවා තිබෙන බව පොලිසිය පවසනවා.
මුලික විමර්ශනවලදි අනාවරණයවී තිබෙන්නේ ඩිපෙන්ඩර් රථයේ රියදුරුගේ අපරික්ෂාකාරි රිය ධාවනය හේතුවෙන් අනතුර සිදුව ඇති බවයි.
