වෙළෙඳපොළේ මතුව ඇති සීනි අර්බුදය සඳහා විසඳුම් ලබා දීම අද(20) දිනයේදී සිදුවන බව, වෙළඳ අමාත්‍ය නලින් ප්‍රනාන්දු පවසනවා.
පසුගියදා සීනි සඳහා බදු පැනවීමත් සමඟ වෙළඳපොළෙහි සීනි මිල ඉහළ ගිය අතර, පසුව රජය විසින් සීනි සඳහා පාලන මිලක්ද පනවනු ලැබුවා.
කෙසේ වෙතත්, මේ වනවිට වෙළඳපොළේ සීනි හිඟයක් පවතින බවටයි වාර්තා වන්නේ.
පාරිභෝගිකයින් චෝදනා කර සිටියේ, ප්‍රමාණවත් තරම් වෙළඳපොළෙහි සීනි තොග නොමැති බවයි.
රට තුළ සීනි මෙටීරක් ටොන් 19,000ක් මේ වන විට පවතින බව, මුදල් රාජ්‍ය අමාත්‍ය රංජිත් සියඹලාපිටිය ප්‍රකාශ කළා.
එබැවින් සීනි හිඟයක් ඇති වීමට කිසිසෙත් ඉඩක් නොමැති බවද ඔහු කියා සිටියා.
කෙසේ වෙතත්, වෙළඳ අමාත්‍ය නලින් ප්‍රනාන්දු ඊයේ (19) ප්‍රවෘත්ති සාකච්ඡාවකට එක්වෙමින් ප්‍රකාශ කළේ අද දිනයේදී සීනි ආනයනකරුවන් සමඟ විශේෂ සාකච්ඡාවක් පවත්වන බවයි.
