ටෝකියෝ ඔලිම්පික් උළෙලේ බැඩ්මින්ටන් පිරිමි කේවල ඉසව්වේ දෙවන මූලික තරගයට අද පස්වරුවේ එක්වූ ජාතික ශුර නිලූක කරුණාරත්න තියුණු තරගයකින් පසු පරාජයට පත් වුණා.
ඔහු තරග වැදුණේ ලෝක ශ්‍රේණිගත කිරීම්හි 53 වන ස්ථානයේ රැඳී සිටින අයර්ලන්ත ක්‍රීඩක Nguyen Nhat සමගින්. එහිදී වට 2-0ක් ලෙස තරගය ජයගැනීමට Nguyen සමත් වුණා. ලකුණු තත්ත්වය දැක්වුණේ 21-18 සහ 21-14ක් ලෙසයි.
නිලූක කරුණාරත්න ශ්‍රී ලංකාව වෙනුවෙන් ඔලිම්පික් උළෙලක් නියෝජනය කළේ තෙවැනි වරටයි. 2012 ලන්ඩන් ඔලිම්පික් උළෙලේදී නිලූක අවසන් 16දෙනාගේ වටයටද සුදුසුකම් ලැබීමට සමත් වුණා. නමුත් 2016 රියෝ ඔලිම්පික් උළෙලේදී නිලූකට මූලික වටයෙන්ම ඉවත් වීමට සිදුවුණා.
