26 C
Colombo
Saturday, April 13, 2024

ටෝකියෝ ඔලිම්පික් – දවසේ විශේෂ සිදුවීම්

- Advertisement -

පදක්කම් වාර්තාව අලුත් කළ ඇමෙරිකානු කලු වෙළඹ

වැඩිම ඔලිම්පික් පදක්කම්ලාභී මළල ක්‍රීඩිකාව ලෙස ඇමෙරිකාවේ ඇලීසන් ෆීලික්ස් ඉතිහාසයට එක්වුණා.

ඒ මීටර් 400 කාන්තා ඉසව්වේ ලෝකඩ පදක්කමත් සමග සිය පදක්කම් ගොන්න 10ක් දක්වා ඉහළ නංවා ගනිමින්.

සිය පස්වන ඔලිම්පික් උළෙලට එක්ව සිටින 35 හැවිරිදි ඇලීසන් ෆීලික්ස් මේවන විට රන් පදක්කම් 6ක්, රිදී පදක්කම් 3ක් සහ එක් ලෝකඩ පදක්කමක් දිනා ගෙන සිටිනවා.

අද (සෙනසුරාදා) පැවැත්වෙන 4×400 ඉසව්වට සහභාගීවන ඇය තවත් පදක්කමක් කරා යෑමේ අවස්ථාවද පවතිනවා.

ටෝකියෝ ඔලිම්පික් උළෙලේ කාන්තා මීටර් 400 ඉසව්වේ රන් පදක්කම දිනා ගත්තේ බහමා රාජ්‍යයේ Shaunae Miller-Uibo.

කෙටි දුර ධාවනයේ ඉතාලි ලකුණ

මෙවර ඔලිම්පික් උ⁣ළෙලේ 4×100 පිරිමි ඉසව්ව ජය ගනිමින් හයවන රන් පදක්කම සිය රටට දිනා දීමට ඉතාලි සහය දිවීමේ කණ්ඩායම සමත් වුණා.

ඒ මහා බ්‍රිතන්‍ය කණ්ඩායම තත්ත්පර 0.01කින් අභිබවමින්.

ඉතාලිය මෙම ඉසව්වේ රන් පදක්කම දිනා.ගත්තේ 1948 ලන්ඩන් ඔලිම්පික් උළෙලෙන් පසු පළමුවරටයි.

ඒ අනුව ඉතාලිය ඔලිම්පික් උළෙලක මළල ක්‍රීඩා ඉසව්වෙන් වැඩිම රන් පදක්කම් ගණන දිනා ගැනීමට මෙවර සමත් ව සිටිනවා.

ඒ අතරතුර Antonella Palmisano කිලෝමීටර් 20 කාන්තා ඉසව්වේ රන් පදක්කම දිනා ගත්තේ 1984 වසරෙන් පසු ඔලිම්පික් රන් පදක්කමක් දිනූ පළමු ඉතාලි මළල ක්‍රීඩිකාව වෙමින්.

ඇගේ 30වන උපන්දිනයද ඊයේ වීම සුවිශේෂි වුණා.

කෙටි දුර ආධිපත්‍යය රැකගත් ජැමෙයිකාව

කෙටි දුර ධාවන පථයේ සිය ආධිපත්‍යය තවදුරටත් රැකගනිමින් 4×100 කාන්තා ඉසව්වේ රන් පදක්කම දිනා ගැනීමට ජැමෙයිකානු සහය දිවීමේ කණ්ඩායම සමත් වුණා.

තත්ත්පර 41.02ක කාලයක් වාර්තා කරමින් ජාතික වාර්තාවද අලුත් කරමින් ජැමෙයිකාව මෙම ඉසව්ව ජයගත්තේ වසර 17කට පසුවයි.

එම ජයග්‍රහණය ජාතික නිදහස් දිනයේදී ලබා ගැනීමට හැකි වීමත් තවත් විශේෂත්වයක්.

මෙම කණ්ඩායම මි⁣ටර් 100 රන් පදක්කම්ලාභිනිය Elaine Thompson-Herah, රිදී පදක්කම්ලාභිනිය Shelly-Ann Fraser-Pryce, ලෝකඩ පදක්කම්ලාභිනිය Shericka Jackson සහ 2018 මීටර් 100 / මීටර් 200 ලෝක කණිෂ්ඨ ශූරිය Briana Williams, ගෙන් සමන්විත වුණා.

ඒ අනුව Elaine Thompson-Herah මීටර් 100 මීටර් 200 හා 4×100 ඉසව් තුනේම රන් පදක්කම් දිනා ගැනීමට සමත් වුණා.

25 හැවිරිදි එලයිනා ඔලිම්පික් උළෙලක මලල ක්‍රීඩා ඉසව්වේ රන් පදක්කම් ත්‍රිත්වයක් දිනූ පස්වැනි ක්‍රීඩිකාව මෙන්ම 2012දී ඇලීසන් ෆීලික්ස්ගෙන් පසු එම දස්කම කළ පළමු ක්‍රීඩිකාවද වනවා.

4×100 කාන්තා ඉසව්වේ රිදී පදක්කම ඇමෙරිකාවටත් ලෝකඩ පදක්කම මහා බ්‍රිතාන්‍යයත් දිනා ගත්තා.

Team Jamaica celebrates after winning the final of the women’s 4 x 100-meter relay at the 2020 Summer Olympics, Friday, Aug. 6, 2021, in Tokyo. (AP Photo/Petr David Josek)

RECENT ARTICLES - SINHALA

අලුත් අවුරුද්ද උදා වෙයි

සිංහල අවුරුදු නැකැත් පත්‍රයට අනුව 2024 සිංහල සහ දෙමළ අලුත් අවුරුද්ද මීට සුළු මොහොතකට පෙර උදා වුණා. අද (13) අපර භාග 2.41 සිට ඉරිදා...

අවුරුදු දවසේ මිරිස්ස උණුසුම් කළ විරෝධය

සමස්ත ලංකා පොදු ධීවර සම්මේලනය ගාල්ල මාතර ප්‍රධාන මාර්ගයේ මිරිස්ස නගරයේදී අද මෙලෙස විරෝධතාවයක නිරත වූයේ වර්තමානයේ ධීවර ප්‍රජාව මුහුණදෙන ගැටළු කිහිපයක් මුල් කර...

බණ්ඩාරවෙලදී වෑන් රථයක් ප්‍රපාතයකට පෙරළීමෙන් 6කට තුවාල

බණ්ඩාරවෙල - උඩපාර ප්‍රදේශයේදී අද (13) පස්වරුවේ වෑන් රථයක් මාර්ගයෙන් ඉවතට පැන අඩි 150ක පමණ ප්‍රපාතයකට පෙරලී ගොස් තිබෙනවා. මෙම අනතුරෙන් වෑන් රථයේ ගමන් ගත්...

POPULAR ARTICLES

2024 අවුරුදු නැකැත් සීට්ටුව මෙන්න

හෙට (13) රාත්‍රියේ උදාවන සිංහල හා දෙමළ අලුත් අවුරුද්ද පිළිගැනීම සඳහා මේ වනවිට ශ්‍රී ලංකිකයින් සූදානම් වෙමින් සිටිනවා. රාජ්‍ය නැකත් කමි­ටුව මඟින් සකස් කරන...

තෙල් සංස්ථාවෙන් දැනුම්දීමක්

සිංහල දෙමළ අලුත් අවුරුදු උත්සව සමය තුළ සිපෙට්කෝ ඉන්ධනහල් මගින් අඛණ්ඩ ඉන්ධන සැපයුමක් සඳහා අවශ්‍ය ක්‍රියාමාර්ග ගෙන ඇති බව ලංකා ඛණිජ තෙල් නීතිගත සංස්ථාව...

අද ඩොලරය

ශ්‍රී ලංකාවේ වාණිජ බැංකු කිහිපයකට අනුව  අද (11) දිනයේ රුපියල, එක්සත් ජනපද ඩොලරයට සාපේක්ෂව නොවෙනස්ව පවතිනවා. සෙලාන් බැංකුවට අනුව, එක්සත් ජනපද ඩොලරයේ ගැනුම් සහ විකුණුම්...