කොළඹ බදුල්ල ප්‍රධාන මාර්ගයට හපුතලේ බෙරගල අතරදී අද (01) දින දෙවන වරටත් ගල් පර්වත කිහිපයක් පෙරළී මාර්ගයේ එක් මංතීරුවක් අවහිර වී තිබෙනවා.
බදුල්ල ආපදා කළමනාකරණ මධ්‍යස්ථානයේ නියෝජ්‍ය අධ්‍යක්‍ෂ ඊ. එම්. එල් උදය කුමාර මහතා පවසන්නේ අද පෙරවරුවේ මෙම මාර්ග කොටසට පැවැති වර්ෂාව සමඟ ගල් පර්වත පෙරළී එක් මන්තීරුවක් අවහිර වී ඇති බවයි.
මේ වනවිට ගල් පෙරළීමේ අවදානම ඝන මිහිදුමක් ද සහිතව පවතින බැවින් මාර්ගයේ භාවිතා කිරීමේදී විමසිල්ලෙන් සහ සුපරීක්ෂාකාරීව රිය පැදවිය යුතු බව බදුල්ල ආපදා කළමනාකරණ මධ්‍යස්ථානයේ නියෝජ්‍ය අධ්‍යක්‍ෂ ඊ එම් එල් උදය මහතා වැඩිදුරටත් පවසා තිබෙනවා.
