පිළියන්දල – මහරගම ප්රධාන මාර්ගය ගංවතුර තර්ජනයෙන් පීඩාවට පත් නොවන ලෙස සංවර්ධනය කර දෙන ලෙස ඉල්ලා ඇරැව්වල වෙළ මැද හන්දිය හරස්කොට වාහන ගමනාගමනයට බාධා වන පරිද්දෙන් ප්රදේශවාසීන් එක්ව අද (09) උද්ඝෝෂණයක් සිදු කර තිබෙනවා.
ප්රදේශවාසීන් පවසනේ, පිළියන්දල සහ මහරගම නගර සභා සීමාවන් වෙන්වන ස්ථානය සුළු වැසි තත්වයකට පවා මාර්ගය සම්පූර්ණයෙන්ම යටවී ගමනාගමනයට බාධා වන බවයි.
මේ පිළිබඳව අවස්ථා කිහිපයකදී බලධාරීන් දැනුවත් කළත් ඊට විසඳුමක් නොලැබීම හේතුවෙන් අද (09) දහවල් ප්රදේශවාසීන් මෙසේ උද්ඝෝෂණයක් ආරම්භ කොට මාර්ගය හරස් කර තිබෙනවා.
මේ හේතුවෙන් මාර්ගයේ දැඩි රථවාහන තදබදයක් ඇති වී තිබෙන බව වාර්තා වනවා.