යම් හෙයකින් තුර්කි හමුදා ඇෆ්ගනිස්තානයේ තවදුරටත් රැදී සිටීමට කටයුතු කළහොත් ඔවුන්ට එරෙහිව ද කටයුතු කිරීමට තමන්ට සිදුවනු ඇති බවට තලේබාන් සංවිධානය අනතුරු අඟවා තිබේ.
තලේබාන් සංවිධානය මෙම අනතුරු ඇඟවීම සිදුකර ඇත්තේ ඇමරිකාවේ ඉල්ලීම මත කාබුල් ගුවන් තොටුපලේ ආරක්ෂාව වැනි කරුණු සදහා තුර්කි හමුදා යෙදවීමට ගෙන ඇති තීරණයට ප්රතිචාර වශයෙනි.
තලේබාන් සංවිධානයේ මෙම ප්රකාශය තුර්කි සහ පකිස්තාන සබදතාවලටද අහිතකර ලෙස බලපානු ඇති බවට වාර්තා පළවී තිබේ.
ඒ පකිස්තානය තුර්කිය සමග මෙන්ම තලේබාන් සංවිධානය සමගද සමීප සබදතා පැවැත්වීම හේතුවෙනි.
මේ අතර ඇෆ්ගනිස්තානයේ ගැටුම් තවදුරටත් දර්ණු වෙමින් ඇති අතර ග්රාමීය ප්රදේශ සියල්ලේම පාහේ බලය තලේබාන් සංවිධානය අතට පත්ව ඇතැයි සදහන් වේ.
නාගරික ප්රදේශවල බලය අල්ලා ගැනීම සදහා ඔවුන් විසින් දරැණු සටන් මෙහෙයවමින් සිටින බවද විදෙස් වාර්තා සදහන් කරයි.