පෑලියගොඩ ප්රදේශයේ පිහිටි සම්බාහන මධ්යස්ථානයට ගොස් එහි කාන්තාවන් දෙදෙනෙක්ගෙන් සේවය ලබාගත් කියන පෑලියගොඩ පොලිස් ස්ථානයට අනුයුක්තව රාජකාරි කරන පොලිස් කොස්තාපල්වරුන් දෙදෙනෙකුගේ වැඩ තහනම් කර තිබෙනවා.
ඔවුන් දෙදෙනා අනවසරයෙන් පොලිස් ස්ථානයෙන් පිටව ගොස් මෙම සම්බාහන මධ්යස්ථානයට ගොස් ඇති බවයි වාර්තා වන්නේ.
පොලිස් හදිසි ඇමතුම් අංශයට ලැබුණු තොරතුරක් මත පෑලියගොඩ මුලස්ථාන පොලිසියේ නිලධාරීන් කණ්ඩායමක් මෙම සම්භාහන මධ්යස්ථානය වැටලීම සිදුකර ඇති අතර වැටලීම සිදුවන අවස්ථාවේ කාන්තාවන් දෙදෙනෙකුගේ සේවය ලබා ගනිමින් සිටි කොස්තාපල්වරුන් දෙදෙනා පලා ගොස් තිබෙනවා.
සිද්ධිය සම්බන්ධයෙන් කැලණිය සහකාර පොලිස් අධිකාරීවරයා විසින් මුලික විමර්ශනයක් පැවැත්වීමෙන් අනතුරුව කොස්තාපල්වරුන් දෙදෙනාගේ වැඩ තහනම් කර ඇති බවයි වාර්තා වන්නේ.
පසුව පලා ගිය කොස්තාපල්වරුන් දෙදෙනා පෑලියගොඩ පොලිස් ස්ථානයට පැමිණ ඇති බවයි වැඩිදුරටත් වාර්තා වන්නේ.