යතුරු පැදියකින් ගමන් කළ දෙදෙනෙකුට ඊයේ (24) දින කඩවතදී වෙඩි තබා ඇති බව වාර්තා වනවා.
වෙඩි තැබීමෙන් තුවාල ලැබූවන් රෝහල් ගත කිරීමේදී මියගොස් ඇති අතර වෙඩි තැබීමට හේතුව මෙතෛක් අණාවරණය වී නොමැත.
මෙලෙස මියගොස් ඇත්තේ පෑලියගොඩ – මීගහවත්ත – වැල්පාර ප්‍රදේශයේ පදිංචි 30 හැවිරිදි පනම්බිල් කැලුම් සමීර සහ 31 හැවිරිදි ටිකිරි හැන්නගේ කසුන් චින්තක යන අයයි.
ඔවුන් බැරල් සංඛ නමැති අපරාධ කල්ලි නායකයාගේ සමීපතමයින් බවට යි වාර්තා වන්නේ.
මේ අතර, අදාල සිද්ධියට අදාළ මෙහෙයුම් සඳහා විශේෂ පොලිස් කණ්ඩායම් 4ක් යොදා ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහාල් තල්දූව මහතා පවසනවා.
වෙඩි තැබීම සිදුවූ ස්ථානයේ තිබී ටී 56 වර්ගයේ උණ්ඩ කොපු 15ක් සොයා ගැනීමට හැකිවූ බවත් පොලිසිය පවසනවා.
