තවත් තල්මසකුගේ සහ කැස්බෑවකුගේ සිරුරක් පානදුර, නල්ලුරුව වෙරළට ගොඩ ගසා තිබෙනවා.
තල්මසාගේ සිරුර අඩි 8යි අගල් 3ක් පමණ දිගකින් යුක්ත බවයි වාර්තා වන්නේ.
එම සිරුර අත්තිඩිය වනජීවි නිලධාරීන් විසින් වැඩිදුර පරීක්ෂණ සඳහා රැගෙන යාමට නියමිතයි.
මේ අතර කොස්ගොඩ වෙරළ තීරයට ද කැස්බෑවෙකුගේ මළ සිරුරක් ගොඩ ගසා ඇති බව වාර්තා වනවා.
වනජීවි දෙපාර්තමේන්තුව පවසන්නේ මේ වනවිට මිය ගිය කැස්බෑවන් 180 දෙනෙකුගේ සිරුරු මුහුදු වෙරළට ගොඩ ගසා තිබියදී සොයාගෙන ඇති බවයි.
ඊයේ දිනය වනවිට ගොඩ ගසා ඇති මියගිය ඩොල්ෆින් මත්සයින් ගණන 20 ක් බවද එම දෙපාර්තමේන්තුව සඳහන් කරනවා.
කැස්බෑවන්ගේ සිරුරුවල ඇත්තේ කුමන රසායන ද්රව්ය ද යන්න සොයා බැලීමට එම සතුන්ගේ දේහ කොටස් විදේශ රටකට යැවීමට පියවර ගන්නා බව ද වනජීවි දෙපාර්තමේන්තුව වැඩිදුරටත් සඳහන් කරනවා.