කොළඹ සිට බදුල්ල දක්වා ධාවනය වූ උඩරට මැණිකේ දුම්රිය නතර කිරීමට උත්සහ කළ පුද්ගලයෙකු එම දුම්රියේ ගැටී බරපතළ තුවාල ලබා දික්ඔය මූලික රෝහල වෙත ඇතුළත් කර ඇතැයි හැටන් පොලිසිය පවසනවා.
අද (මාර්තු 18) පස්වරු 1.00ට පමණ මෙම අනතුර සිදු වී ඇත්තේ, රොසැල්ල සහ හැටන් දුම්රිය ස්ථාන දෙක අතර, හැටන්, මල්ලිඅප්පුව ප්‍රදේශයේදී.තුවාලකරු අධික ලෙස බීමත්ව දුම්රිය මාර්ගයේ මැදට වී ධාවනය වෙමින් තිබුණු දුම්රිය නතර කිරීමට උත්සහ කළ අවස්ථාවේ මෙලෙස එහි ගැටී තිබෙනවා.
41 හැවිරිදි එම පුද්ගලයා දුම්රියේ ගැටී විසි වී බරපතළ තුවාල ලබා ඇති අතර ඔහු එම දුම්රියෙන් ම හැටන් දුම්රිය ස්ථානය වෙත රැගෙනවිත් භාර දීමට එම දුම්රියේ ආරක්ෂක අංශයේ නිලධාරීන් පියවර ගෙන තිබෙන බව සඳහන්.
ආදාළ පුද්ගලයා හැටන්, දික්ඔය, පොඩයිස් වතුයායේ පදිංචිකරුවෙකු බවට හැටන් පොලිසිය විසින් කරන ලද මූලික පරීක්ෂණවලදි අනාවරණය වී තිබෙනවා.
