ගෝලීය ත්‍රස්තවාදයට අවශ්‍ය අරමුදල් සම්පාදනය කිරීමට විවිධ අයුරින් පහසුකම් සපයන රටවල් 21 ක ලැයිස්තුවක් බ්‍රිතාන්‍යය විසින් එළිදක්වා තිබේ.
අදාළ රටවල් 21 විසින් මුදල් විශුද්ධිකරණ නීති ක්‍රියාවට නැංවීම පැහැර හරිමින් ත්‍රස්තවාදීන්ට අරමුදල් සපයාගැනීමට අවස්ථාව සලසා ඇතැයිද එම වාර්තාවේ දැක්වේ.
දකුණු ආසියානු රටවල් අතරින් පකිස්තානයද එම ලැයිස්තුවට ඇතුළත් කර තිබීම විශේෂත්වයකි.
ඊට අමතරව ඉරානය, මියන්මාරය, සිරියාව, උගන්ඩාව, ඇල්බේනියාව, බාබඩෝස්, යේමනය ඇතුළු රටවල් රැසක් මෙම ලැයිස්තුවට ඇතුළත් කර තිබේ.
එම රටවල් අතරින් බහුතරය ආසියානු සහ අප්‍රිකානු රටවල් වීම තවත් විශේෂත්වයකි.
