27.2 C
Colombo
Wednesday, June 19, 2024
spot_img

උමාරා ආණ්ඩුක්‍රම ව්‍යවස්ථාව උල්ලංඝනය කරලා-විමර්ශන කමිටුව

- Advertisement -

ලංකා ප්‍රීමියර් ලීග් ක්‍රිකට් තරගාවලියේ සමාරම්භක උත්සවයේදී ගායන ශිල්පිනී උමාරා සිංහවංශ විසින් ජාතික ගීය ගායනා කර ඇත්තේ වැරැදි ආකාරයෙන් බවට ඒ පිළිබඳ සොයා බැලීම සඳහා පත්කරන ලද කමිටුව විසින් අනාවරණය කර තිබෙනවා.

ජාතික ගීයේ “මාතා’’ යන පදය වෙනුවට “මහතා’’ යැයි ගායන ශිල්පිනී උමාරා සිංහවංශ ගායනා කිරීමේ සිද්ධිය පිළිබඳ සොයා බැලීම සඳහා රාජ්‍ය පරිපාලන හා ස්වදේශ කටයුතු අමාත්‍යාංශයේ ලේකම්වරයා විසින් කමිටුවක් පත් කරනු ලැබුවා.

ස්වදේශ කටයුතු අමාත්‍යාංශයේ අතිරේක ලේකම්වරයකු සහ විමර්ශන නිලධාරියකු එම කමිටුවේ සාමාජිකයන් ලෙස පත් කෙරුණු අතර ලංකා ප්‍රීමියර් ලීග් තරගාවලිය සංවිධානය කරන ලද ශ්‍රී ලංකා ක්‍රිකට් ආයතනයෙන් සහ ගායන ශිල්පිනී උමාරා සිංහවංශගෙන් ද ප්‍රකාශ ගැනීමට එම කමිටුව කටයුතු කළා.

ආණ්ඩුක්‍රම ව්‍යවස්ථාව අනුව ජාතික ගීයේ අදාළ පදමාලා මධ්‍යම ස්වරයෙන් ගායනා කළයුතු වූවත්, ගායන ශිල්පිනිය එය ගායනා කර ඇත්තේ උච්ච ස්වරයෙන් බව විමර්ශන කණ්ඩායම විසින් කරන ලද විමර්ශනයේදී තහවුරු කරගෙන තිබෙනවා.

එමෙන්ම, මීට පෙර පැවැති ලංකා ප්‍රීමියර් ලීග් ක්‍රිකට් තරගාවලියේ සමාරම්භක උත්සවයේදී මෙම ගායන ශිල්පිනිය කණ්ඩායමක් එක්ව ජාතික ගීය ගායනා කර ඇති අතර,එහිදීද “මාතා’’ වෙනුවට “මහතා’’ යැයි ගායනා කර ඇති බවද විමර්ශන කණ්ඩායම විසින් තොරතුරු අනාවරණය කරගෙන තිබෙන බව සඳහන්.

විමර්ශන කණ්ඩායම විසින් අදාළ වාර්තාව ඉකුත් සිකුරාදා (18 වැනිදා) රාජ්‍ය පරිපාලන හා ස්වදේශ කටයුතු අමාත්‍යාංශයේ ලේකම්වරයාට භාරදී තිබෙනවා.

ගායන ශිල්පිනී උමාරා සිංහවංශ විසින් ආණ්ඩුක්‍රම ව්‍යවස්ථාව උල්ලංඝනය කරමින් ජාතික ගීය ගායනා කිරීම සම්බන්ධයෙන් නීතිපතිවරයාගේ උපදෙස් අනුව ඉදිරි ක්‍රියාමාර්ග ගන්නා ලෙස විමර්ශන කණ්ඩායම සිය වාර්තාව මගින් නිර්දේශ ඉදිරිපත් කර ඇතැයි අනාවරණය වනවා.

RECENT ARTICLES - SINHALA

ජපාන​යේ බැක්ටීරියා ආසාදනය ගැන මෙරටට පණිවිඩය​ක්

ජපානයේ ව්‍යාප්ත වෙමින් පවතින දුර්ලභ බැක්ටීරියා ආසාදනය සම්බන්ධව මෙරට ජනතාව අනියත බියක් ඇති කරගැනීමට අවශ්‍ය නොවන බව සෞඛ්‍ය අමාත්‍යාංශය පවසනවා. streptococcal toxic shock syndrome ලෙස...

සමීක්ෂණ කරලා තමයි රනිල් ජනාධිපතිවරණයට ඉදිරිපත් වෙන්නේ – අකිල

ජයග්‍රහණය කළ නොහැකි නම් රනිල් වික්‍රමසිංහ මහ​තා ඡන්දයට ඉදිරිපත් නොවන බවට ඇතැමු​න් ප්‍රකාශ කළද ඔහු මෙවර ජනාධිපතිවරණයට ඉදිරිපත් වන බව එක්සත් ජාතික පක්ෂයේ උප...

පක්ෂ ඔක්කො​ම 69 ලක්ෂය බෙදාගන්න පොරකනවා- ශාන්ත බණ්ඩාර

පුද්ගලයින් වශයෙන් ශ්‍රී ලංකා පොදුජන පෙරමුණ අතහැර ගියද 69 ලක්ෂය පක්ෂය අතහැර නොයන බව රාජ්‍ය අමාත්‍ය ශාන්ත බණ්ඩාර මහ​තා පවසනවා. අමාත්‍යවරයා පවසන්නේ, සියලුම දේශපාලන පක්ෂ...

POPULAR ARTICLES

වනිඳුගෙන් දැඩි තීරණයක්

ශ්‍රී ලංකා විස්සයි විස්ස ක්‍රිකට් කණ්ඩායමේ නායක වනිඳු හසරංග සිය ධුරයෙන් ඉල්ලා අස්වීමට තීරණය කර ඇති බව ශ්‍රී ලංකා ක්‍රිකට් අභ්‍යන්තර ආරංචි මාර්ග පවසනවා. ඒ...

ගුරුවරුන්ට අධ්‍යාපන ඇමතිගෙන් පණිවිඩයක්

සියලු‍ පාසල් ඩිජිටල්කරණය කර එකම ජාලයකට ගතහොත් සමස්ත විෂය පාඩම් එක තැනක සිට දරුවන්ට ඉගැන්විය හැකි වනු ඇති බව අධ්‍යාපන අමාත්‍ය ආචාර්ය සුසිල් ප්‍රේමජයන්ත...

ශ්‍රී ලංකා කණ්ඩායම ගුවන්තොටුපලේ ගෙවන පර්යන්තයෙන් එළියට ඇවිත්

20යි 20 ලෝක කුසලාන තරගාවලියට සහභාගී වූ ශ්‍රී ලංකා ක්‍රිකට් කණ්ඩායම අද (19) උදෑසන මෙරටට පැමිණියා. එහිදී මාධ්‍ය අමතමින් ශ්‍රී ලංකා T20 ක්‍රිකට්...