රාජ්‍ය අනුග්‍රහයෙන් රට තුළ මානව හිමිකම් උල්ලංඝනය වීම සම්බන්ධයෙන් පකිස්තානය වගවීමට ලක්කරන්නැය් ඉන්දියාව ජගත් මානව හිමිකම් කවුන්සලයෙන් ඉල්ලීමක් කර තිබේ.
පකිස්තානය ත්‍රස්ත මර්දන නීති ඇතුලු බරපතල නීති භාවිතා කරමින් දිගින් දිගටම මානව හිමිකම් ක්‍රියාකාරීන් ඇතුලු පාර්ශවයන්ගේ මානව හිමිකම් උල්ලංඝනය කරන බවට ඉන්දියාව මෙහිදී චෝදනා කර තිබේ.
43වන මානව හිමිකම් කවුන්සල සැසිවාරයේ පිලිතුරැදීමේ අවස්ථාවේදී ඉන්දීය නියෝජිතයා මෙම චෝදනාව එල්ල කර ඇත්තේ ආගමික නීති යටතේ කාන්තාවන්ට පකිස්තානය තුළ සිදුවන හිංසනයන් රැසක් පිලිබද උදාහරණයන්ද දක්වමිනි.
ඉන්දියාව මෙම චෝදනාව එල්ල කර ඇත්තේ පකිස්තානය කාශ්මීර ගැටලුව පදනම් කරගෙන ඉන්දියාවට චෝදනා නැගීමට පිලිතුරක් ලෙස බව විදෙස් මාධ්‍ය වාර්තාවල වැඩිදුරටත් සදහන් වේ.
