රුසියානු යුක්රේන යුද්ධයෙන් ඉන්ධන සහ ආහාර මිල ගණන් ඉහළ යාමත් සමග ණය කළමනාකරණය සම්බන්ධයෙන් දැඩි අවදානමට ලක්ව ඇති රටක් ලෙස පාකිස්තානය, එක්සත් ජාතීන්ගේ වෙළඳ හා සංවර්ධනය පිළිබඳ සමුළුව විසින් (UNCTAD) ලැයිස්තුගත කර තිබේ.
පසුගිය වසර දෙක තුළ කොවිඩ්-19 වසංගතය හේතුවෙන් සංවර්ධනය වෙමින් පවතින රටවල මූල්ය සහන අඩු වී ඔවුන්ගේ ණය බර වැඩි වී ඇති අතරම ඉන්ධන, ආහාර සහ පොහොර මිල ඉහළයාමටද ඔවුන්ට මුහුණ දීමට සිදුවී ඇති බව UNCTAD මහලේකම් රෙබෙකා ග්රින්ස්පන් පෙන්වා දෙයි.
ප්රවාහන ගැටළු සහ ගෝලීය සැපයුම්දාම කඩාකප්පල් කිරීම් ද පිරිවැය සහ මිල ඉහළ නැංවීමට හේතු වී ඇති බව ඇය පෙන්වා දෙයි.
එහිදී දැඩි අර්බුදයට ලක්ව ඇති රටවල් ගණනාවක් ඇති බවත් පකිස්තානය ඒ අතර කැපී පෙනෙන බවත් ඇය සදහන් කරයි.
මෙම තත්වය තුළ පෙර නොවූ විරූ ලෙස මිල ඉහළ යාමෙන් පීඩා විඳිමින් සිටින පාකිස්ථානය වැනි සංවර්ධනය වෙමින් පවතින රටවලට බාහිර උපකාරයකින් තොරව මුහුණ දීමට නොහැකි වන බවත් ඔවුන්ගේ ණය ගැටලු සඳහා කඩිනම් විසඳුම් අවශ්ය බවත් ඇය පෙන්වා දෙයි.