28 C
Colombo
Thursday, May 30, 2024
spot_img

UNICEF Sri Lanka තිරසර සංවර්ධනය සහ ළමා අයිතිවාසිකම් වෙනුවෙන් ව්‍යාපාරික කවුන්සිලය එළිදක්වයි

- Advertisement -

2023 ජූනි 28 කොළඹ – UNICEF Sri Lanka සංවිධානය මෙරටේ ළමා අයිතිවාසිකම් සහ තිරසර සංවර්ධනය ප්‍රවර්ධනය කිරීම සඳහා ව්‍යාපාරික කවුන්සිලය පසුගියදා එළිදක්වනු ලැබීය. එය UNICEF සහ ඉහළ පෙළේ ව්‍යාපාරික ප්‍රධානීන් හා තීරකයින් අතර උපායමාර්ගික වශයෙන් ඇතිකර ගනු ලැබූ හවුල්කරීත්වයකි.

අභිනවයෙන් පිහිටුවන ලද ව්‍යාපාරික කවුන්සිලය ළමා අයිතිවාසිකම් සහ ශ්‍රී ලංකාවේ ළමා හා තරුණ ප්‍රජාවගේ සුභ සාධනය වෙනුවෙන් කැපවී ක්‍රියා කරන අතර ඊට පෞද්ගලික අංශයේ ප්‍රමුඛ පෙළේ ව්‍යාපාරිකයින් පිරිසක් දායක වී ඇත. තෝරාගත් ව්‍යාපාරික ප්‍රධානීන් තම ආයතනවල ප්‍රවර්ධන කටයුතු ඇතුළු ව්‍යාපාරික අරමුණු සියල්ල පසෙකින් තබා සද්භාවයෙන් යුත් පුද්ගලයන් වශයෙන් මෙම ව්‍යාපාරික කවුන්සිලය හා සම්බන්ධ වී සිටීම විශේෂත්වයකි.

මෙය ඉදිරියට පවත්වාගෙන යාමේදී, ළමුන්ගේ සහ තරුණයින්ගේ තත්ත්වය වැඩිදියුණු කිරීම සඳහා උපායමාර්ග, විවිධ මුලපිරීම් සහ සහයෝගීතාවය ආදී ක්ෂේත්‍ර පිළිබඳව කතිකා කිරීම සඳහා එම කවුන්සිලයේ සාමාජිකයින් වරින් වර රැස්වීම් පවත්වනු ලබයි. ඔවුන්ගේ සාමූහික ප්‍රවීනත්වය, නායකත්වය සහ සමාජ වගකීම් වෙනුවෙන් ලබා දෙන දායකත්වය හා කැපවීම නව විසඳුම් සහ හවුල් වටිනාකම් නිර්මාණය කිරීම සඳහා අවකාශය සලසා දේ.

මේ සම්බන්ධයෙන් අදහස් දක්වමින් UNICEF Sri Lanka සංවිධානයේ නියෝජිත ක්‍රිස්ටියන් ස්කූග් මහතා මෙසේ පැවසීය. “ව්‍යාපාරික ප්‍රධානීන් සහ තීරකයින් වෙනුවෙන් වේදිකාවක් සකසා දෙමින් UNICEF Sri Lanka ව්‍යාපාරික කවුන්සිලය ආරම්භ කිරීමට ලැබීම පිළිබඳව අපි සතුටු වෙනවා. ඒ වගේම මෙම කවුන්සිලය හරහා, ධනාත්මක වෙනසක් ඇති කිරීමට සහ ශ්‍රී ලංකාවේ දරුවන්ගේ ජීවිතවලට දිගු කාලීන බලපෑමක් ඇති කිරීමට පෞද්ගලික අංශයේ ශක්තිය දායක කර ගැනීමට අප අරමුණු කරගෙන සිටිනවා.”

UNICEF සංවිධානය පෞද්ගලික අංශය හා වැඩි වැඩියෙන් සම්බන්ධ වෙමින්, ව්‍යාපාරික ප්‍රධානීන්, කර්මාන්ත සංගම් සහ ආයෝජකයින් ඇතුළු පුළුල් පරාසයක පාර්ශවකරුවන් සමගින් එක්ව කටයුතු කරනු ලබයි. ළමා අයිතිවාසිකම් සහ තිරසර සංවර්ධන ඉලක්ක පවත්නා ව්‍යාපාර ආකෘතිවලට ඒකාබද්ධ කිරීම හරහා ළමුන්ට ප්‍රමුඛතාවය ලබා දෙමින් සිය උපරිම කැපවීම ඉටු කරමින් තිරසරත්වය අත් කර දීම UNICEF සංවිධානයේ අරමුණ වී ඇත.

මේ පිළිබඳව අදහස් දක්වමින් Hemas Holdings PLC හි සමූහ ප්‍රධාන විධායක නිලධාරී කස්තුරි චෙල්ලරාජා විල්සන් මහත්මිය මෙසේ පැවසුවාය. ”දරුවන්ගේ ජීවිත නඟා සිටුවීමට සහ ඔවුන්ගේ අයිතීන් සුරැකීම සහතික කිරීමට එක්ව වැඩ කිරීමේ වැදගත්කම අපි සාමූහිකව හඳුනාගත යුතුයි. UNICEF ව්‍යාපාරික කවුන්සිලය හරහා සම අදහස් ඇති ව්‍යාපාරික ප්‍රධානීන් සහ සංවිධාන සමඟ සහයෝගයෙන් කටයුතු කිරීම සඳහා කදිම අවස්ථාවක් සලසා දෙනවා. ඒ අනූව ප්‍රාමාණික වශයෙන් සාර්ථක ප්‍රතිඵල ලබා ගැනීමට අපට පුළුවන්.”

මෙම ව්‍යාපාරික කවුන්සිලය සඳහා සාමාජිකයින් ලෙස Jetwing Travels (Pvt.) Ltd හි සභාපති සහ කළමනාකාර අධ්‍යක්ෂ ශිරෝමාල් කුරේ, United Nations Global Compact (Network Sri Lanka) හි විධායක අධ්‍යක්ෂ රතික ද සිල්වා, Dilmah Ceylon Tea Company PLC හි ප්‍රධාන විධායක නිලධාරී දිල්හාන් ප්‍රනාන්දු, Aitken Spence PLC හි විධායක අධ්‍යක්ෂ ආචාර්ය රොහාන් ප්‍රනාන්දු, ජාත්‍යන්තර වාණිජ මණ්ඩලයේ (ශ්‍රී ලංකාව) සභාපති ශනිල් ප්‍රනාන්දු, Asia Pacific Alliance for Disaster Management හි අධ්‍යක්ෂ ෆිර්සාන් හෂීම්, Brandix Apparel Limited සමාගමේ ප්‍රධාන විධායක නිලධාරී අෂ්රොෆ් ඕමාර්, Cargills (Ceylon) PLC හි උප සභාපති රංජිත් පේජ්, Softlogic Holdings PLC හි ප්‍රධාන විධායක නිලධාරී අශෝක් පතිරගේ, Sampath Bank PLC හි කළමනාකරණ අධ්‍යක්ෂිකා අයෝධ්‍යා පෙරේරා, Hayleys Plantation Sector හි කළමනාකරණ අධ්‍යක්ෂ රොෂාන් රාජදුරෙයි, Printcare PLC හි ප්‍රධාන විධායක නිලධාරී කේ.ආර්. රවීන්ද්‍රන්, Dialog Axiata PLC හි සමූහ ප්‍රධාන විධායක නිලධාරී සුපුන් වීරසිංහ, Ceylon Biscuits Limited හි සමූහ කළමනාකරණ අධ්‍යක්ෂ ශාමලී වික්‍රමසිංහ, සහ Hemas Holdings PLC හි සමූහ ප්‍රධාන විධායක නිලධාරී කස්තුරි චෙල්ලරාජා විල්සන් යන මහත්ම මහත්මීන් සහභාගී විය.

RECENT ARTICLES - SINHALA

පාලිතගෙන් සඳුදා විශේෂ ප්‍රකාශයක්

ජනමත විචාරණයක් පැවැත්වීම සම්බන්ධයෙන් සහ පාර්ලිමේන්තුවේ සහ ජනාධිපති ධුර කාලය වසර දෙකකින් දිගු කිරීම සම්බන්ධයෙන් තමා කළ ප්‍රකාශය ගැන ලබන සඳුදා(03)විශේෂ ප්‍රකාශයක් සිදුකරන බව...

සහකාර රේගු අධිකාරීවරයෙකු කොටුවේදී අත්අඩංගුවට

නීතිවිරෝධී ලෙස ගෙන්වන ලද විදෙස් දුම්වැටි තොගයක් සමග සහකාර රේගු අධිකාරිවරයෙකු අත්අඩංගුවට ගෙන තිබෙනවා. කොළඹ මධ්‍යම දූෂණ අපරාධ කාර්යාංශය විසින් සැකකරු මෙලෙස කොළඹ කොටුව ප්‍රදේශයේදී...

රටබීම හලක කළමනාකරු ඝාතනය කරලා

බිබිල නගරයේ පිහිටි රටබීම අලෙවිසැලක කළමනාකාරවරයකු එහි පහත මාලයේ ඝාතනය කර තිබියදී ඔහුගේ සිරුර අද (30) සොයාගත් බව බිබිල පොලිසිය පවසයි. මෙසේ ඝාතනය කර ඇත්තේ...

POPULAR ARTICLES

උසස් පෙළ ප්‍රතිඵල එන දිනය මෙන්න

අධ්‍යන පොදු සහතික පත්‍ර උසස් පෙළ 2023 විභාගයේ ප්‍රතිඵල අනිද්දා (31) නිකුත් කරන බව අධ්‍යාපන අමාත්‍ය සුසිල් ප්‍රේමජන්ත මහතා පවසනවා. 2023 උසස් පෙළ විභාගය සඳහා...

උසස් පෙළ දරුවන්ට සුබ පණිවිඩයක්

අ.පො.ස. (උසස් පෙළ) සඳහා තොරතුරු හා සන්නිවේදන තාක්ෂණය විෂයයක් ලෙස හදාරන ශිෂ්‍ය ශිෂ්‍යාවන් වෙනුවෙන් ශ්‍රී ලංකා විදුලි සංදේශ නියාමන කොමිෂන් සභාව සහ ජනාධිපති අරමුදල...

අනධ්‍යයන කාර්ය මණ්ඩල වෙත අධ්‍යාපන අමාත්‍යාංශයෙන් නිවේදනයක්

අනධ්‍යයන කාර්ය මණ්ඩල වෘත්තිය සමිති දැනට පවත්වාගෙන යන වෘත්තිය ක්‍රියා මාර්ගයෙන් ඉවත්වන ලෙස අධ්‍යාපන අමාත්‍යාංශය ඉල්ලීමක් සිදුකර තිබෙනවා. නිවේදනයක් නිකුත් කරමින් අධ්‍යාපන අමාත්‍යාංශය පවසන්නේ වෘත්තිය...