31 C
Colombo
Sunday, May 26, 2024

වෛද්‍ය අනුුරුද්ධ පාදෙණියට පේරාදෙණිය විශ්වවිද්‍යාලයීය කෘෂිකර්ම ආචාර්යවරුන්ගේ සංගමයේ විරෝධය

- Advertisement -

පසුගිය දිනෙක ස්වාධීන රූපවාහිනියේ විකාශය වූ “උරුමය” නම් වූ වැඩසටහනේදී රජයේ වෛද්‍ය නිලධාරින්ගේ සංගමයේ සභාපති, විශේෂඥ වෛද්‍ය අනුරුද්ධ පාදෙණිය මහතා විසින් සිදුකරන ලද පදනම් විරහිත චෝදනා ප්‍රතික්ෂේප කර සිටින බව පේරාදෙණිය විශ්වවිද්‍යාලයීය කෘෂිකර්ම ආචාර්යවරුන්ගේ සංගමය පවසනවා.

නිවේදනයක් නිකුත් කරමින් පේරාදෙණිය විශ්වවිද්‍යාලයේ කෘෂිකර්ම ආචාර්යවරුන්ගේ සංගමය සදහන් කරන්නේ ළමා ස්නායු රෝග විශේෂඥ වෛද්‍ය පාදෙණිය මහතා වැනි විද්‍යාත්මක කෘෂිකර්මාන්තය ගැන දැනුමක් නොමැති පුද්ගලයන් ආණ්ඩුවේ කෘෂිකර්මාන්තය පිළිබඳ තීරණ ගැනීමේ හෝ උපදේශක තනතුරක් දැරීම තමන්ට ප්‍රහේලිකාවක් බවයි.

එම නිවේදනය පහතින්,

“පේරාදෙණිය විශ්වවිද්‍යාලයේ කෘෂිකර්ම ආචාර්යවරුන්ගේ සංගමය 2021.06.14 වන දින ස්වාධීන රෑපවාහිනියේ විකාශය වූ “උරුමය” වැඩසටහනේදී වෛද්‍ය පාදෙණිය මහතා විසින් සිදුකරන ලද පදනම් විරහිත චෝදනා ප්‍රතික්ෂේප කර සිටී. වෛද්‍ය වෘත්තිය සහ වෘත්තිය සමිතියක් නියෝජනය කරන්නෙකු ලෙස ඔහුගේ ප්‍රකාශය කෘෂිකර්ම පීඨය සහ පේරාදෙණිය විශ්වවිද්‍යාලය ඉලක්ක කර ගත්තක් වන අතර එය දශක හතකට වැඩි කෘෂිකාර්මික අධ්‍යාපනයේ පුරෝගාමීන් ලෙස අපගේ කීර්තියට හානිකරන්නක් ලෙස අප දකිමු. එය වර්තමානයේ විවාදයට ලක්ව ඇති ආණ්ඩුවේ ප්‍රතිපත්තියක් මත තමා ප්‍රසිද්ධ වීමට ගත් ලාභ ප්‍රයත්නයකි.


එම වැඩසටහනේ වෛද්‍ය පාදෙණිය කෘෂිකාර්මික ක්ෂේත්‍රය නියෝජනය කිරීම නරඹන්නන් නොමග යවන්නකි. වෛද්‍ය පාදෙණිය වැනි විද්‍යාත්මක කෘෂිකර්මාන්තය ගැන දැනුමක් නොමැති පුද්ගලයන් ආණ්ඩුවේ කෘෂිකර්මාන්තය පිළිබඳ තීරණ ගැනීමේ හෝ උපදේශක තනතුරක් දැරීම අපට ප්‍රහේලිකාවකි. එම වැඩසටහනේදී ඔහු අපගේ විශ්වවිද්‍යාලයේ නම සඳහන් කරමින් කරන ලද ප්‍රකාශය අපි දැඩිව හෙලා දකිමු.


අදාල ක්ෂේත්‍රය පිළිබඳ දැනුමක් නොමැති පුද්ගලයන් ඉස්මතු කරමින් මහජනතාව සහ ප්‍රතිපත්ති සම්පාදකයන් නොමඟ යවන වැඩසටහන් විකාශය නොකරන ලෙස ස්වාධීන රෑපවාහිනිය වැනි වගකීම් සහගත මාධ්‍ය ආයතන වලින් අපි දැඩිව ඉල්ලා සිටිමු. තවද මෙවැනි පුද්ගල ප්‍රතිරූප ඉස්මතු කිරීම සහ විද්‍යාත්මක නොවන මත පැතිරවීම හරහා ප්‍රතිපත්ති ක්‍රියාත්මක කිරීමේදී දැඩි හානියක් වියහැකි බවද වැඩිදුරටත් කියා සිටිමු.”

RECENT ARTICLES - SINHALA

කොළඹ මාර්ග කිහිපයක් අදත් වැසෙයි

කොළඹ නගරය ආශ්‍රිතව ප්‍රධාන මාර්ග කිහිපයක් අද (26) රාත්‍රියේත් වසා තබන බව පොලීසිය පවසනවා. පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ නිහාල් තල්දූව මහතා සඳහන් කළේ,...

ජනාධිපතිවරණය පැවැත්වෙන දිනය ගැන විජයදාසගෙන් ප්‍රකාශයක්

ජනාධිපතිවරණය මෙම වසරේ ඔක්තොබර් 17 වන දින පවත්වන බවත්, එම මැතිවරණය කිසිවකුටත් වළක්වාළිය නොහැකි බවත්, අධිකරණ අමාත්‍ය විජයදාස රාජපක්ෂ මහතා පවසනවා. ඔහු මේ බව කියා...

රට විනාශ කරපු රාජපක්ෂලා එක්ක ඩීල් දැම්මේ නැත්තේ සජබේ විතරයි – සජිත්

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසනවා. ඔහු මෙම අදහස් පල කළේ, සජිත්...

POPULAR ARTICLES

ශ්‍රී ලංකාවේ සිටින මාලදිවයින් ජාතිකයින්ට විශේෂ දැනුම් දිමක්

ශ්‍රී ලංකාවේ සංචාරක වීසා පිළිබඳ සිදුකළ වෙනස්කම් සම්බන්ධයෙන් මාලදිවයිනේ විදේශ කටයුතු අමාත්‍යාංශ නිවේදනයක් නිකුත් කර තිබෙනවා. ඔවුන් එහි සඳහන් කර ඇත්තේ, දැනට පවතින ක්‍රියා පටිපාටිය...

දේශීය ආදායම් දෙපාර්තුමේන්තුවෙන් විශේෂ නිවේදනයක්

සංශෝධිත දේශීය ආදායම් පනත අනුව බැංකු, මූල්‍ය ආයතන සහ රාජ්‍ය ආයතන සතු තොරතුරු යොමු කරන ලෙස, දේශීය ආදායම් දෙපාර්තමේන්තුවෙන් අදාල ආයතන වෙත දැනුම්දී තිබෙනවා. නිවේදනයක්...

අනුර එක්ක විවාදෙට මම එනවා.අනුරට මගෙන් නයා ගැන, පැණිය ගැන අහන්න පුලුවන්-දිලිත්

ජාතික ජනබලවේගයේ නායක අනුර කුමාර දිසානායක සහ විපක්ෂ නායක සජිත් ප්‍රේමදාස අතර ලබන 06 වැනිදා පවත්වන ලද විවාදයට විපක්ෂ නායකවරයා නොපැමිණෙන බැවින් ඒ සදහා...