මෙවර එක්සත් ජාතික පක්ෂ මැයි දිනය සැමරුම සඳහා දකුණු පළාතේ සිට දුම්රිය තුනකින් පාක්ෂිකයින් පැමිණීමට නියමිතව ඇති බව එක්සත් ජාතික පක්ෂයේ සභාපති වජිර අබේවර්ධන මහතා පවසනවා.
“ලක්ෂ සංඛ්යාත ජනතාවගේ හිත සුව පිණිස ක්රියා කළ රනිල් වික්රමසිංහ නැමති ජාතික නායකයාට උපහාරයක් වේවා” යන්න එක්සත් ජාතික පක්ෂයේ මෙවර මැයි රැලියේ තේමාවයි.
ඒ අනුව, බෙලිඅත්තේ සිට උදෑසන 08 ට පිටත්වන දුම්රිය හම්බන්තොට දිස්ත්රික්කයට අයත් දුම්රිය ස්ථාන වල නවත්වා අවසානයේ මරදාන දක්වා ගමන් කරන අතර, ගාල්ල දිස්ත්රික්කයේ අහංගමින් උදෑසන 07 : 30 ට ආරම්භ කරන දුම්රිය ගාල්ල දිස්ත්රික්කයේ සියලුම දුම්රිය ස්ථානවල නවත්වා බෙන්තරින් පසු මරදාන දක්වා ගමන් කරන් කිරීමට නියමිතව තිබෙනවා.
එමෙන්ම, උදෑසන 9.00 ට අළුත්ගම දුම්රිය ස්ථානයෙන් ගමන් ආරම්භ කරන දුම්රිය ආරම්භ කරන දුම්රිය කළුතර දිස්ත්රික්කයේ සියළුම දුම්රිය ස්ථානවල නවත්වා පානදුරෙන් පසු මරදාන දක්වා ගමන් කරන අතර, ඉතිරි ප්රදේශවල ජනතාව බස් රථ වලින් මරදාන දක්වා පැමිණීමට සැලසුම් කර ඇති බවද සඳහන්.
වජිර අබේවර්ධන මහතා තවදුරටත් පවසන්නේ 2024 මැයි රැළිය ජනාධිපති රනිල් වික්රමසිංහ මහතාට රටේ කම්කරු ජනතාවත් වැඩ කරන ජනතාවත් සියලු ජන කොටස් විසින් කෘතවේදීත්වය දක්වන මැයි රැලියක් බවට පරිවර්තනය වී ඇති බවයි.
ශ්රී ලංකාව පුරා සෑම මැතිවරණ කොට්ඨාශයකින්ම ජනතාවට හැකි පරිදි පහසුකම් ලබාදෙමින් ලක්ෂ සංඛ්යාත ජනතාවක් මාළිගාවත්ත මැයි රැළිය පැවැත්වෙන ස්ථානයට පැමිණෙන බවද වජිර අබේවර්ධන මහතා සඳහන් කර තිබෙනවා.
මෙම මැයි රැලිය ජනාධිපති රනිල් වික්රමසිංහ මහතාගේ ප්රධානත්වයෙන් පැවැත්වීමට නියමිතයි.