හොෂයින් සිලිකන් ඉන්ඩස්ට්රිස් නම් චීන සබදතා ඇති සමාගම හරහා සිදුකරන ආනයන තහනම් කිරීමට ඇමරිකාව පියවර ගෙන තිබේ.
ඒ එම සමාගම මගින් ඇමරිකාවට අපනයනය කෙරෙන, සූර්ය බලශක්ති පැනල සහ වෙනත් භාණ්ඩ නිෂ්පාදනය කිරීමේදී චීනයේ ෂින්ජියෑන්ග් ප්රාන්තයේ උයිගුර් වැසියන්ගෙන් බලහත්කාරයෙන් ශ්රමය ලබා ගන්නා බව තහවුරුවීම හේතුවෙනි.
මෙම සමාගම මඟින් 2020 වර්ෂයේදී ඇමරිකාවට ඩොලර් බිලියන 8ක් වටිනා සූර්ය බලශක්ති නිෂ්පාදන පැනල අපනයනය කර ඇතැයි සදහන් වේ.
ෂින්ජියෑන්ග්හි උයිගුර් වැසියන්ගෙන් බලහත්කාරයෙන් ශ්රමය ලබා ගෙන නිෂ්පාදනය කෙරෙන සූර්ය කෝෂ, කපු ඇතුලු නිෂ්පාදන සිය රටවලට ආනයනය කිරීම තහනම් කිරීමට මේ වනවිටත් ඇමරිකාව සහ යුරෝපා රටවල් පියවර ගෙක තිබේ.
ඇමරිකාවේ රේගු සහ දේශසීමා ආරක්ෂක දෙපාර්තමේන්තුව සදහන් කරන්නේ මෙවැනි නිෂ්පාදන හදුනාගැනීම සදහා ඔවුන් විසින් විශේෂ වැඩපිලිවෙළ රැසක්ද දියත් කර ඇති බවයි.