ඇෆ්ගනිස්තානයෙන් පළා ආ හැකි සරණාගතයන්ට තාවකාලික රැකවරණය ලබාදෙන්නැයි ඇමරිකාව මධ්යම ආසියානු රටවල් තුනකින් ඉල්ලීම් කර ඇතැයි වාර්තා වේ.
විදෙස් මාධ්ය වාර්තා කරන්නේ තජිකිස්තානය, උස්බෙකිස්තානය සහ කසකස්තානය යන රටවල් සමග ඇමරිකාව මේ පිළිබද සාකච්ඡා කරමින් සිටින බවයි.
දශක දෙකකට වැඩි කාලයක් ඇෆ්ගනිස්තානයේ රැදී සිටි ඇමරිකානු හමුදාවන්ට අවශ්ය පරිවර්තන කටයුතු සහ වෙනත් සේවා සැපයූ ඇෆ්ගනිස්තාන ජාතිකයන් 50,000ක් පමණ සිටින බව සදහන් වේ.
ඔවුන්ට ඇමරිකාවේ රැකවරණය ලබාදීමට කටයුතු කරමින් ඇති අතර ඒ සදහා වන අත්යවශ්ය ලේඛන කටයුතු සිදුකෙරෙන තුරු එම පිරිස මෙම මධ්යම ආසියානු රටවල රදවා තැබීමට ඇමරිකාව බලාපොරොත්තු වන බව විදෙස් මාධ්ය වාර්තා කරයි.
මේ අතර ඇමරිකානු හමුදා ඉවත්වීමට සමගාමීව ඇෆ්ගනිස්තානයේ ගැටුම් උග්රවී ඇති අතර කන්දහාර් ප්රදේශයේ දිස්ත්රික්ක දෙකක් තලේබාන්වරුන් විසින් අල්ලාගෙන ඇති අතර එහි සිටි ඇෆ්ගන් ජාතික හමුදා සාමාජිකයන් අසල්වැසි තජිකිස්තානයට පළාගොස් ඇතැයිද වාර්තා වේ.