හොංකොං ස්වයංපාලන කලාපයට ප්‍රජාතන්ත්‍රවාදය සීමා කෙරෙන නීති හදුන්වාදීම වළක්වාලීමට මැදිහත්වන්නැයි ඇමරිකානු ජනාධිපතිවරයාට ඉල්ලීමක් ඉදිරිපත් වී තිබේ.
අදාළ ඉල්ලීම ඉදිරිපත් කර ඇත්තේ ඇමරිකානු කොංග්‍රස් මණ්ඩලයේ ඩිමොක්‍රටික් සහ රිපබ්ලිකන් පක්ෂ ඒකාබද්ධ නියෝජිතයන් පිරිසකි.
චීනය හොංකොංහි විපක්ෂ ක්‍රියාකාරිකයන්ගේ දේශපාලන කටයුතු සීමා කෙරෙන ආකාරයට නව නීති හදුන්වාදීමට සැලසුම් කර ඇති අතර එය හොංකොංහි ප්‍රජාතන්ත්‍රවාදයට තර්ජනයක් බව අදාළ නියෝජිතයන්ගේ අදහස වී තිබේ.
කලක් බ්‍රිතාන්‍යය පාලනය යටතේ පැවති හොංකොං දේශය මේ වනවිට චීනයේ වෙනම ස්වයංපාලන ප්‍රදේශයක් ලෙස පාලනය වුවද එහි දේශපාලන ක්‍රමය ප්‍රජාතන්ත්‍රවාදය මත පදනම්ව පැවතිය යුතු බවට අන්තර්ජාතික එකගතාවයක් පවතී.
