පසුගිය සැප්තැම්බර් මාසයේදී තහනම් කළ, චීනයට අයත් TikTok හා WeChat යන ජංගම දුරකථන යෙදුම් සඳහා පැවති තහනම ඉවත් කළ බව එක්සත් ජනපදයේ වාණිජ දෙපාර්තමේන්තුව පවසයි.
ජාතික ආරක්ෂාව පිළිබඳව ගැටළු ඇති බව පවසමින් TikTok සහ WeChat හි නව බාගත කිරීම තහනම් කරමින් මෙම තහනම එවකට එක්සත් ජනපද ජනාධිපති ඩොනල්ඩ් ට්‍රම්ප් විසින් පණවනු ලැබිණි.
කෙසේ වෙතත් ට්‍රම්ප්ගේ විධායක නියෝග කිහිපයක්ම වත්මන් ජනාධිපති ජෝ බයිඩන් විසින් මේ මස මුලදී ඉල්ලා අස්කර ගැනීමෙන් පසුව එම ජංගම දුරකථන යෙදුම් සම්බන්ධයෙන් ඉදිරිපත් කර ඇති ආරක්ෂාව පිළිබඳව ගැටළු පිළිබඳව වාණිජ දෙපාර්තමේන්තුවට සමාලෝචනයක් කිරීමට නියෝග කළ අතර පසුව මෙම තහනම් ලැයිස්තුව නිශ්ප්‍රභ කිරීම සිදුව තිබේ.
