කොවිඩ් 19 වෛරසය සම්බන්ධයෙන් වන බුද්ධි අංශ වාර්තාව මාස තුනක් තුළ තමන්ට ලැබිය යුතු බව ඇමරිකානු ජනාධිපති ජෝ බයිඩන් සදහන් කර ඇතැයි ධවල මන්දිරය පවසයි.
පසුගිය බදාදා ඇමරිකානු ජනාධිපති ජෝ බයිඩන් එරට බුද්ධි අංශවලට නියෝග කළේ කොවිඩ් 19 වෛරසයේ ප්රභවය පිළිබද වහාම විධිමත් පරීක්ෂණයක් සිදුකර තමන්ට වාර්තාවක් ලබාදෙන ලෙසටයි.
ජනාධිපති බයිඩන්ගේ මෙම හදිසි නියෝගයට හේතුව කොවිඩ් 19 වෛරසය චීනයේ විද්යාගාරයක නොසැලකිලිමත් කටයුතු නිසා නිකුත් වූවක් වන බවට පවතින සැකය වර්ධනය වීම ඇමරිකානු මාධ්ය වාර්තා කර තිබේ.
වෛරසයේ ප්රභවය පිලිබද මේ වනතෙක් පැහැදිළි සොයාගැනීමක් සිදුව නොමැත.
එය වවුලන් හෝ වෙනත් සතුන් ආහාරයට ගැනීම හරහා මිනිසාට ආසාදනය වන්නට ඇතැයි යන්න එක් මතයකි.
එහෙත් පසුගිය වකාවානුවේ ඇතැම් විශේෂඥයන් සදහක් කළේ කොවිඩ් 19 වෛරස් ප්රභේද පිලිබද පරීක්ෂණ සිදුකරන වුවාන්හි පරීක්ෂණාගාරයක නොසැලකිලිමත්භාවය හේතුවෙන් මෙය පරිසරයට නිකුත් වී ඇති බවයි.
මේ සියලු කරුණු පිලිබද විධිමත් පරීක්ෂණයක් පවත්වා සත්යය තහවුරු කිරීම ජනාධිපති ජෝ බයිඩන් ඇමරිකානු බුද්ධි අංශ වෙත පවරා ඇති වගකීමයි.