පකිස්තානයට ඇමරිකාවෙන් සහ යුරෝපා සංගමයෙන් හිමිවන ජීඑස්පී ප්ලස් සහනය අහිමිවීමේ අවදානමක් මතුව ඇති බව වාර්තා වේ.
එක්සත් ජනපදය සිය ජීඑස්පී වැඩසටහනේ විෂය පථය පුළුල් කිරීමට සැලසුම් කරමින් සිටින අතර එහිදී පකිස්ථානය ඇතුළු බොහෝ ආසියානු රටවල් වෙත ප්රතිලාභ ලබා දීමට සැළසුම් කර ඇති බව පැවසේ.
එහෙත් පකිස්තානයේ , කම්කරු ශ්රමය, ළමා ආරක්ෂණය, කාන්තා අයිතිවාසිකම් සහ මිනිස් ජාවාරම , සේවක කොන්දේසි පිළිබඳව පවතින අසතුටුදායක වාර්තා හේතුවෙන් එය ලබා ගැනීම අභියෝගයක් වී තිබේ.
මීට අමතරව පාකිස්තානය දැනටමත් යුරෝපා සංගමයේ ජී. එස්. පි ප්ලස් යෝජනා ක්රමය යටතේ ප්රතිලාභ ලබා ගැනීමේ අභියෝගයට මුහුණ දෙමින් සිටියි.
යුරෝපා සංගමය නව යෝජනා ක්රමයට නව සම්මුතීන් හයක් ඇතුළත් කිරීමට සූදානම් වන අතර, ඊට අනුකූල වීමට සහ ක්රියාත්මක කිරීමට පාකිස්තානය අපොහොසත් වනු ඇති බව පැවසේ.