25 C
Colombo
Friday, March 29, 2024

ලෝක නායකයන් ඇමෙරිකාව ‘කින්ඩි කරලා’

- Advertisement -

ඇමෙරිකාවේ කොංග්‍රස් ගොඩනැගිල්ලට කඩාවැදුණු ට්‍රම්ප් හිතවාදීන්ගේ යකා නැටිල්ල ලෝක දේශපාලනයට විශාල බලපෑම් එල්ල කරන සිදුවීමක් වේවි. ඇමෙරිකාවේ ජනාධිපතිවරයා ඡන්ද මිලියන හතකින් ඡන්දයක් පරාජය වුණාට පසු, අධිකරණ ගණනාවකින් ඒ පරාජය තහවුරු කළාට පසු පරාජය පිළිනොගෙන සිටීම ලෙහෙසි පහසු සිදුවීමක් නෙවෙයි.

මේ සිදුවීමෙන් පස්සේ ලෝකෙට ප්‍රජාතන්ත්‍රවාදී බණ දෙසන්නේ කොහොමද. ප්‍රජාතන්ත්‍රවාදයට තවදුරටත් ගෝලීය ආරක්ෂකයන් නැති බව, තම තමන්ගේ රටවල ප්‍රජාතන්ත්‍රවාදය තමන්ම බලාගන්න ඕනෑ බව මේ සිදුවීමෙන් හිතෙනවා. මේ වෙද්දී රුසියාවේ, චීනයේ මෙන්ම ඉරානයේ නායකයන් ඇමෙරිකාවේ සිදුවීමට දැක්වූ ප්‍රතිචාරයෙන් තත්වයේ බරපතලකම පේනවා.

ලෝකයේ බොහෝ ඒකාධිපතිවාදී, අධිකාරීවාදී නායකයන් මේකට හොඳ හොඳ ඒවා කියා තිබුණා. ඒ නායකයන් හැමදාම ඇමෙරිකාව අනුන්ට ප්‍රජාතන්ත්‍රවාදී බණ කියන එක ගැන විරෝධයක් දැක්වූවා. මේ වගේ සිදුවීමකින් පස්සේත් ප්‍රජාතන්ත්‍රවාදී බණ කියන්න ආවොත් ඇමෙරිකාවට කණේ ඇඟිලි ගහගන්ඩ කියන්න හැකි වේවි.

‘ඇමෙරිකාවේ අපි දැකපු දෙයින් බටහිර ප්‍රජාතන්ත්‍රවාදය කොච්චර දුර්වලද කියා පෙනුණා. ඒකේ පදනම් කොච්චර දුර්වලද කියා පෙණුනා.’ ඉරානීය ජනපති හසන් රවුහානි බ්‍රහස්පතින්දා එහෙම කීවා. ට්‍රම්ප් අසනීපෙන් ඉන්න කෙනෙක් බව ඔහු කීවා. ‘ පැරදෙන අයට ජයග්‍රාහකයා දූෂිත බව කියන්න පුළුවන් වෙලා.

ඇමෙරිකාවේ ප්‍රජාතන්ත්‍රවාදය කොර ගහන බව ඒකෙන්ම පේනවා.’ රුසියානු ව්‍යවස්ථාදායකයේ විදේශ සම්බන්ධතා කමිටුවේ සභාපති කන්ස්ටන්ටින් කොසචෙව් එසේ ලියා තිබුණා. චීනය මරු ප්‍රතිචාරයක් දැක්වුවා. පහුගිය කාලයක් තිස්සේ හොංකොංහි පුරවැසියන් චීනයට විරුද්ධව උද්ඝෝෂණය කළ බව මතක ඇති.

උද්ඝෝෂකයන්ව චීන ආණ්ඩුවෙන් දරුණුවට මර්දනය කළා. ඒ මර්දනයට ඇමෙරිකාවේ විරෝධයක් හැදුණා. අනෙක් පැත්තෙන් චීනය කීවේ උද්ඝෝෂකයන් ඇමෙරිකාවෙ ඉත්තන් බව. මේ උද්ඝෝෂකයන් දෙගොල්ලේ ඡායාරූප එකට දමා ‘කර්මය’ පලදීමක් ලෙස සටහන් කර තිබුණා. චීනයේ විදේශ සම්බන්ධතා පිළිබඳ මාධ්‍ය ප්‍රකාශිකා හුආ චින්‍යින්ග් කියා තිබුණේ හතරදෙනෙක් ඝාතනය කිරීමෙන් ඇමෙරිකාවේ පොලීසිය කොච්චර දරුණුද කියා පෙනෙන බව.

හොංකොං උද්ඝෝෂකයන්ට එහෙම සැලකුවේ නැති බව ඇය පෙන්වා තිබුණා. ඇතැම් රාජ්‍යයන් ඇමෙරිකාවට ‘කින්ඩි කර’ තිබුණා. සාමාන්‍යයෙන් වෙන රටක මෙවැනි සිදුවීමක් වුණාට පස්සේ ඇමෙරිකාවෙන් දාන නිවේදන වගේ ඒවා ඒ රටවල් දමා තිබුණා.

තුර්කිය තමන්ගේ රටෙන් ඇමෙරිකාවට ගිය සංචරකයන්ට ‘ආරක්ෂා වෙන්නැයි’ අනතුරු හඟවා නිවේදනයක් දැම්මා. තුර්කි විදේශ අමාත්‍යාංශය නිවේදනයකින් ඇමෙරිකාවේ ‘දෙපාර්ශ්වයටම’ ප්‍රජාතන්ත්‍රවාදී සහ නිතියානුකූල ආකාරයට හැසිරෙන ලෙස ‘අවවාද කර’ තිබුණා. ලෝකයේ තව රටවල් ගණනාවක් මේ සිදුවීමට ප්‍රතිචාර දක්වා තිබුණේ ඔයා ආකාරයට. මේ කලබලයෙන් ලෝකය ඉදිරිපිට ඇමෙරිකාවට ඇති වූ ලැජ්ජාව, කාලයක් යනතුරු තුරන් නොවේවි.

RECENT ARTICLES - SINHALA

අද අපි සිංහල අවුරුද්ද සමරන්නේ ජනපති නිසා – වජිර

පසුගිය වසර තුනක කාලයක් අලුත් අවුරුද්ද සැමරීමට ජනතාවට අවස්ථාව හිමි නොවු බව පාර්ලිමේන්තු මන්ත්‍රී වජිර අබේවර්ධන මහතා පවසනවා. නමුත් රටේ සියලු ජනතාවට මෙවර අලුත් අවුරුද්ද...

මහරගම බෝ ගසේ අත්තක් කඩා වැටී දෙදෙනෙකුට තුවාල

මහරගම නගරයේ පිහිටි බෝ ගසක අත්තක් කඩා වැටී තිබෙනවා. මෙයින් පුද්ගලයින් දෙදෙනෙකු තුවාල ලබා තිබෙන බව පොලිසිය පවසනවා. මේ හේතුවෙන් හයිලෙවල් මාර්ගයේ දැඩි රථවාහන තදබදයක් පවතින...

බාෂික් ව අත්අඩංගුවට ගැනීමට එරෙහි අතුරු තහනම් නියෝගය දීර්ඝ කෙරේ

පොලිස් මත්ද්‍රව්‍යනාශක කාර්යාංශය විසින් නදිම් බාෂික් නමැත්තකු අත්අඩංගුවට ගැනීම වළක්වාලමින් නිකුත්කර තිබෙන අතුරු තහනම් නියෝගය අප්‍රේල් 29 වනදා දක්වා තවදුරටත් දීර්ඝ කරන ලෙස අභියාචනාධිකරණය...

POPULAR ARTICLES

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

අරක්කු මිල පහළට?

එළඹෙන සිංහල හා හින්දු අලුත් අවුරුද්දට පෙර සුරා බද්ද අඩු කළහොත් ගල් අරක්කු බෝතලයක මිල අඩු කළ හැකි බව නිෂ්පාදන සමාගම් සුරාබදු දෙපාර්තමේන්තුවට දැනුම්...