32 C
Colombo
Tuesday, February 27, 2024

සමාජ මාධ්‍ය කැළඹූ කවුද මේ ‘උස ටීචර්’

- Advertisement -

විශේෂ අවශ්‍යතා ඇති දරුවෙක් සමඟ ගුරුවරියක් සිට ඇය ලියා ඇති සටහනක් මේ දිනවල සමාජමාධ්‍ය තුළ වැඩි කතාබහකට ලක්ව තිබෙනවා. මේ දරුවා මෙවර ශිෂ්‍යත්ව විභාගයට පෙනී සිට ඇති අතර ඔහු ලකුණු 99 ක් ලබාගැනීම දක්වා ආ ගමන්මඟ පිළිබදව මෙම ගුරුවරිය Facebook සමාජ මාධ්‍යයේ සංවේදී සටහනක් තබා තිබුණා.

හිරුණි නදීශානි ගුරුවරිය කරගම්පිටිය විජය විද්‍යාලයේ ඉගැන්වීම් කටයුතු කරන ගුරුවරියක්. ඇයට මීට මාස 6 කට පෙර හරි අපූරු දරුවෙක් මුණ ගැහුණා. ඒ තමයි රමල්. රමල් අනිත් දරුවන්ගෙන් වෙනස් දරුවෙක්. සමාජයට අනුව රමල් මොංගල් දරුවෙක්. ඒත් හිරුණිටත් එම පාසලේ චාන්දනී අරන්දර ගුරුවරියටත් ඔහු සුවිශේෂ දරුවෙක් වුණා. රමල්ව විශේෂ අවශ්‍යතා ඇති දරුවන් ඉගෙන ගන්න පාසලකට දාන්න කියලා අනෙක් පාසල්වලින් ඔහුව ප්‍රතික්ෂේප කරනකොට හිත රිදුන රමල්ගේ දෙමව්පියන් අන්තිමේදි ආවේ කරගම්පිටිය විජය විද්‍යාලයට. ඒත් භික්ෂූන්වහන්සේ නමක් විදුහල්පති ධූරය හොබවන මෙම පාසලට රමල්ව ගන්න කැමති වුණේ ඔහුව විශේෂ දරුවෙක් විදිහට උගන්නන්න නම් නෙවෙයි. සාමාන්‍ය දරුවෙක් විදියට අනිත් දරුවන් සමඟම ඉගෙන ගන්න. ඒකට මේ හරි අපූරු ඉස්කෝලේ ගුරුවරුන්ගෙන් ලැබුණේ ලොකු සහයෝගයක්. ඒ වගේම ආදරයක්. ඒ ආදරය, ඒ සෙනෙහස අපතේ නොයවන්න රමලුත් වගබලාගත්තා. ඒ තමයි මේ පාර ශිෂ්‍යත්ව විභාගයෙන් රමල් වගේ විශේෂ අවශ්‍යතා ඇති දරුවෙක් ලකුණු 99 ක් ලබාගෙන පෙන්වීම. රමල්ගේ මේ දස්කම හිරුණි ටීටර්ට වගේම පාසලේ අනෙක් ගුරුවරුන්ගෙත් නෙතඟට කඳුලක් ගෙන එන්න හේතු වුණා.

කොහොම වුනත් රමල්ව මුළු රටම දැනගත්තේ හිරුණි ටීචර්, එහෙමත් නැත්තම් රමල්ගේ වචනවලින් කියනවා නම් උස ටීචර් නිසයි. බලධාරීන්ගේ අවධානයට ලක් නොවුණු කරගම්පිටිය විජය විද්‍යාලයේ පවතින දැඩි දුෂ්කරතා මධ්‍යයේ මෙම ගුරුවරුන් තමන්ට හැකි උපරිමයෙන් මේ දරුවන් රැකබලා ගෙන ඉගැන්වීමේ කටයුතු කරන ආකාරයත්, සමාජයේ වගේම පාසල් තුළත් පවතින දැඩි සම්පත් හා ආකල්ප විෂමතාවයන් ගැනත් බලධාරීන්ගේ අවධානය යොමු කරවන්න හිරුණි ගුරුවරිය උත්සහ කරලා තියෙනවා.

මෙවැනි පාසල් ගැන, මෙවැනි අඩුපහසුකම් යටතේ දරුවන්ව අත් නොහරින ගුරුවරුන් ගැන අධ්‍යාපන බලධාරීන්ගේ අවධානය කවදා යොමුවේ දැයි අපි නම් දන්නේ නැහැ. කොහොම වුනත් මේ ගැන ක්‍රීඩා අමාත්‍ය නාමල් රාජපක්ෂ මහතාගේ අවධානය යොමුවෙලා තිබුණා. ඒ පිළිබදව ඔහු සිය ෆේස්බුක් ගිණුමේ සටහනක්ද තබා මෙම ගුරුවරිය ඇතුළු පිරිස සිදුකල ක්‍රියාව අගය කොට තිබීමම ඔවුන්ට ශක්තියක් වන්නට ඇති.

කොහොම වුනත් මෙවැනි සිදුවීම් පිළිබදව තව දින කිහිපයක් විතරක් සමාජ මාධ්‍ය තුළත්, සමාජයේ පුද්ගලයන් තුළත් කතාබහ ඇතිවී අමතක වී යාවී. නමුත් උණුවෙන හදවත් ඇති මෙවන් කාරුණික ගුරුවරුන් ඉන් පසුව කිසිදු ඇඟැයීමක්, පහසුකමක් නොලැබුනද මේ දරුවන්ගේ ඇස් පාදමින් යාවි.

RECENT ARTICLES - SINHALA

ව්‍යවසායකයින් ශක්තිමත් කරන්න ණය යෝජනා ක්‍රමයක්

ක්ෂුද්‍ර ,සුළු හා මධ්‍ය පරිමාණ ව්‍යවසාය අංශය නැවත පණ ගැන්වීම සඳහා ණය යෝජනා ක්‍රමයක් ක්‍රියාත්මක කිරීමට කැබිනට් අනුමැතිය ලැබී තිබෙනවා. රජය පවසන්නේ සුළු හා මධ්‍ය...

සැමියාගේ පහරදීමෙන් බිරිඳ මරුට

නොරෝච්චෝල - කරඹ ප්‍රදේශයෙ සිය සැමියාගේ පහර කෑමට ලක්වී බිරිඳ අද (27) මරණයට පත්ව ඇති බව නොරෝච්චෝල පොලිසිය පවසනවා. මෙලෙස මිය ගොස් ඇත්තේ, නොරෝච්චෝල...

දස දහසක අල්ලස් මුදලක් ගත් පොලිසියේ දෙදෙ‍නෙක් අත්අඩංගුවට

රථ වාහන වරදක් සමතයකට පත්කර දීමට රුපියල් 10,000 මුදලක් අල්ලසක් වශයෙන් ලබාගත් ඉත්තෑපාන පොලිස් ස්ථානයේ පොලිස් සැරයන්වරයෙකු සහ පොලිස් කොස්තාපල්වරයෙකු අල්ලස් හෝ දුෂණ චෝදනා...

POPULAR ARTICLES

පාසල් විෂයන් ගණන අඩුවෙන්නේ මෙහෙමයි

06 වන ශ්‍රේණියෙන් ඉහළ දරුවන්ට දැනට පාසලේදී හැදෑරීමට ඇති අනිවාර්ය විෂය සංඛ්‍යාව ඉදිරියේ දී විෂයන් 07ක් දක්වා අඩු කිරීමට පියවර ගන්නා බව අධ්‍යාපන අමාත්‍ය...

හැනිබල්ටත් ICCයෙන් දඬුවමක්

පසුගිය 21 වනදා ශ්‍රී ලංකා කණ්ඩායම සමඟ පැවැති තෙවන සහ අවසන් විස්සයි විස්ස ක්‍රිකට් තරගයේ අවසන් පන්දුවාරයේ දී ඉනට ඉහළින් යොමු වූ පන්දුවක්, එම...

උසස් පෙළ අවසන් කළ සිසුන්ට සුබ පණිවිඩයක්

උසස් පෙළට පෙනී සිටි සිසු දරුවන් සඳහා වෘත්තිය පුහුණුව ලබන මස 05 වනදා සිට ආරම්භ කෙරෙන බව අමාත්‍ය සුසිල් ප්‍රේමජයන්ත මහතා පවසනවා. ඔහු මෙම අදහස්...