මෙරට විදුලිබල සහ බලශක්ති ක්ෂේත්‍රයේ ප්‍රතිව්‍යුහගත කිරීමේ වැඩපිළිවෙලක් වෙනුවෙන් අවශ්‍ය තාක්ෂණික සහය ලබාදීමට එක්සත් ජනපද ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය (USAID) ඉදිරිපත්ව තිබෙනවා.
විදුලිබල මණ්ඩලයේ ප්‍රතිව්‍යුහගත කිරීමට අනුව නව පනත සම්මත කිරීමෙන් පසු එහි ඉදිරි වැඩපිළිවෙල සඳහා අවශ්‍ය මාර්ග සැලැස්මක් සකස් කිරීමට සහ අවශ්‍ය තාක්ෂණික සහය ලබාදීමට ඉදිරි සති 08ක් තුළ එම කටයුතු සිදු කිරීමට නියමිතයි.
බලශක්ති උපදේශක අරින්දම් ගෝෂ් ඇතුළු එම ආයතනයේ කණ්ඩායම සමඟ හමුවක් ඊයේ (08) පවත්වා ඇති බවයි වාර්තා වන්නේ.
මෙම අවස්ථාවට එක්වෙමින් විදුලි බල හා බලශක්ති අමාත්‍ය කංචන විජේසේකර මහතා කියා සිටියේ එක්සත් ජනපද ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය (USAID) වෙත ඔවුන් ලබා දෙන සහායට තමා ස්තූතිවන්ත වන බවයි.
