එළවළු මිල ඉහළ යයි

පැවති අයහපත් කාලගුණයෙන් එළවළු වගාව විනාශ වීමත් සමඟ එළවළු මිල ඉහළ ගොස් තිබෙනවා.

පසුගිය කාලයේ පහළ ගොස් තිබු එළවළු මිල යළි ඉහළ ගොස් ඇති බවයි කැප්පටිපොළ විශේෂ ආර්ථික මධ්‍යස්ථානයේ වෙළදුන් පෙන්වා දෙන්නේ.

වැලිමඩ හා ඌවපරණගම ඇතුලු බොහෝ ප්‍රදේශවල පැවති අධික වර්ෂාව හා දැඩි සුළං හේතුවෙන් එළවළු වගාව විශල වශයෙන් විනාශයට පත්වුණා.

ඒ හේතුවෙන් එළවළු මිල ඉහළ ගිය අතර අද දිනයේ කැප්පටිපොළ ආර්ථික මධ්‍යස්ථානයේ බෝංචි කිලෝ ග්‍රෑමයක තොග මිල රුපියල් 400ත් –  450ත් අතර පැවතුණා.

ලීක්ස් කිලෝ ග්‍රෑමයක තොග මිල ද එම අගයම ගත් අතර බීට් කිලෝ ග්‍රෑමයක් අලෙවි වුයේ රුපියල් 280ත් – 320ත් අතර මිලකටයි.

කැරට් කිලෝ ග්‍රෑමයක තොග මිල රුපියල් 280ත් – 300ත් අතර මෙන්ම මාළු මිරිස් කිලෝ ග්‍රෑමයක තොග මිල රුපියල් 350ත් – 400ත් අතර පැවති බවයි වෙළදුන් පවසන්නේ.