ලබන වසර සඳහා ද වාහන ආනයනය කිරීමේ තහනම දීර්ඝ කිරීමට රජය තීරණය කර ඇති බව මහා භාණ්ඩාගාර ආරංචිමාර්ග ප්‍රකාශ කරන බව සන්ඩේ ටයිම්ස් පුවත්පත වාර්තා කරයි.
වාහන ආනයනය තහනම් කිරීම තුළින් රජයට ඇස්තමේන්තුගත ඩොලර් බිලියනයක් ඉතිරි කරගැනීමට හැකි වූ බවත් භාණ්ඩාගාර නිලධාරියෙකු පැහැදිලි කර ඇති අතර මෙම සීමාවන් දිගින් දිගටම ගෙන යාමට ගත් තීරණය සංචිත ඉහළ නැංවීමට උපකාරී වනු ඇතැයි ද පුවත්පත වාර්තා කරනවා.
කොරෝනා වසංගතය ව්‍යාප්තියත් සමඟ 2020 මාර්තු මස වාහන ආනයනය කිරීම සඳහා තාවකාලික තහනමක් පනවනු ලැබුවේ විදේශ මුදල් වල විනිමය අනුපාතිකයේ පරතරය අඩු කිරීමේ අරමුණ ඇතුවයි.
