ජපාන රජය විසින් කටුනායක ගුවන් තොටුපොළ වෙත ඇමෙරිකානු ඩොලර් මිලියන 2.5 කට අධික වටිනාකමකින් යුතු වාහන තොගයක් අද (05) දින උදෑසන ජල හා මුදවා ගැනීම් පරිශ්‍රයේදී පැවති උත්සවයකදී පරිත්‍යාග කරනු ලැබුවා.
මෙම වාහන තොගය අතර අති නවීන උපාංග සහ ඉහළ ධාරිතාවයෙන් යුතු බෝට්ටුවක්, ගිනි හා මුදවා ගැනීමේ රථ දෙකක්, පෙර ගමන් රථයක්, කැබ් රථ දෙකක්ද වුණා.
මෙම බෝට්ටුව අශ්ව බල 100 සහ අශ්ව බල 25 එජින් දෙකකින් බල ගැන්වෙන අතර එම බෝට්ටුවෙහි ජී.පී.එස් තාක්ෂණය ඇතුළු නවීනතම අංගෝපාංගයන්ගෙන් සමන්විත වී තිබෙනවා.
කටුනායක ගුවන් තොටුපොළ ධාවන පථයේ හදිසි අවස්ථාවකදී ගුවන් යානා අනතුරක් සිදුවුවහොත් එහි සිටි මගීන් සහ කාර්යය මණ්ඩලය බේරාගැනීම සදහා බෝට්ටු සේවාවක් සූදානම් කර තැබිය යුතු බවට ජාත්‍යන්තර සිවිල් ගුවන් සේවා ආයතනය මගින් නිර්දේශ කර තිබෙනවා.
එහෙත් මෙම අති නවීනතම බෝට්ටුව, ජාතික අවශ්‍යතාව සළකා බලා ගුවන් තොටුපොළ විසින්, විදේශයන් ගෙන් රට තුළට රැගෙන එන මත්ද්‍රව්‍ය වැටලීම සදහා පොලිස් මත්ද්‍රව්‍ය නාශක අංශය වෙත පරිත්‍යාග කිරීමට පියවර ගෙන තිබෙනවා.
