මීට වසර දෙකහමාරකට පෙර පානදුර – අටලුගම ප්‍රදේශයේ 9 හැවිරිදි දැරියක් මඩේ ගිල්වා ඝාතනය කිරීමේ චෝදනාවට වරද පිළිගත් සැකකරුට පානදුර මහාධිකරණ විනිසුරු සමන් කුමාර විසින් බරපතළ වැඩ සහිත වසර 27ක සිරදඩුවම් නියම කර තිබෙනවා.
එහිදී විනිසුරුවරයා නියෝග කළේ, මියගිය දැරියගේ මවට රුපියල් ලක්ෂ 30ක වන්දි මුදලක් ගෙවන ලෙසයි.
එය නොගෙවන්නේ නම් වසර හයහමාරක ලිහිල් සිර දඬුවම්ද සැකකරුට නියම කර තිබුණා.
2022 වසරේ මැයි මස 28 වනදා දැරිය නිවස ආසන්නයේ වෙළඳ සැලකට ගොස් යළි පැමිණෙන අතරතුර අපයෝජනය කිරීමේ අරමුණින් ඇයව රවටා අවට පිහිටි ළඳු කැළෑවකට ගෙන ගොස් දූෂණය කිරීමට මොහු උත්සාහ කර තිබුණා.
කෙසේ වෙතත්, දැරිය එම අවස්ථාවේ කෑ ගැසීම හේතුවෙන් බියට පත් වූ සැකකරු ඇයව මඩ වගුරක ඔබා ඝාතනය කර ඇති බවයි හෙළි වී තිබුණේ.
