ප්‍රවීණ ගීත රචක කැමිලස් පෙරේරා මහතා අද(17) උදෑසන අභාවප්‍රාප්ත වී තිබේ.
හිමි නැති පෙමකට, වාසනා වේවා, විකසිත වත කමලේ, හද විලේ, දේව මන්දිරේ, ආදර ප්‍රිය ළඳුනේ, උන්මාද වූ ප්‍රේමාදරේ, හදිසියේ හනි හනිකට, වැනි අතිශය ජනප්‍රිය ගී රැසක් ඔහුගේ දෑතින් නිර්මාණය විය.
80 දශකයේ ගීත රචනා කලාවට අවතීරණ වූ කැමිලස් පෙරේරා මහතා විසින් රචනා කර ඇති ගීත සංඛ්‍යාව 1,000කට ආසන්න වේ.
මියයන විට 74 වියේ පසු වූ ඒ මහතා කෙටිකලක් රෝගාතුරව පසු විය.
එම මහතාගේ දේහය මහජන ගෞරවය සඳහා හෙට(18) උදෑසන 9.00 සිට පස්වරු 3.00 දක්වා වත්තල පෞද්ගලික මල් ශාලාවක තැන්පත් කර තැබීමට කටයුතු සූදානම් කර ඇති බවත් අවසන් කටයුතු පස්වරුවේ වත්තල රෝමානු කතෝලික දේවස්ථාන සුසාන භූමියේදී සිදු කිරීමට නියමිත බවත් පැවසේ.
