සමාජ අසාධාරණයට රටට බරක් වූ දේශපාලකයින්ට එරෙහිව පෑනෙන් තෙළිතුඩෙන් සටන් කළ ප්‍රවීණ චිත්‍ර ශිල්පී තලංගම ජයසිංහ මහතා ඊයේ (07) රාත්‍රියේ අභාවප්‍රාප්ත වී තිබෙනවා.
මිය යන විට ඒ මහතා 88වන වියේ පසුවියේ පසුවුණා.
ලංකාදීප පුවත්පතට එතුමා “පලාමල්ල” කාටුන්ද, “අනේද කියන්නේ” යන සිවු පද කවියද ජයසිංහ මහතා දිනපතා නිර්මාණය කළා.
1954 වසරේදී “දිනමිණ” පත්‍රයේ “චිත්‍රා” චිත්‍ර කතාව හරහා චිත්‍රකතා ශිල්පයට පිවිසුණු තලංගම ජයසිංහ ඉන් අනතුරුව සිළුමිණ පුවත් පතේ පළ වුණු ‘ඇටසැකිල්ල’ ‘මිනිස්‌ දඩයම’ වැනි චිත්‍රකතා හරහා මිනිසුන් අතර ජනප්‍රියත්වක් හිමි කර ගෙන තිබුණා.
එමෙන්ම, සිළුමිණ පුවත් පතේ පළවූ “විලම්භීත”, “මනස්‌ගාත” යන චිත්‍ර කතා හරහාද රසිකයින් වැළඳගැනීමට ඔහු සමත් වුණා.
