“ෆාස්ට් ඇන්ඩ් ෆියුරියස්” චිත්රපට මාලාව හරහා අතිශය ජනප්රියත්වයට පත් සුපිරි හොලිවුඩ් නළු වින් ඩීසල්ට ලිංගික අපරාධ චෝදනාවක් එල්ල වී තිබෙනවා.
වින් ඩීසල්ගේ සහයිකාව වශයෙන් සේවය කළ ඇස්ටා ජොනැසන් නමැති කාන්තාව මෙම චෝදනාව එල්ල කර ඇති අතර ඇය මේ සම්බන්ධයෙන් ලොස් ඇන්ජලිස් අධිකරණයක නඩුවක් ගොනු කිරීමටද පියවර ගෙන ඇති බව විදෙස් මාධ්ය පවසනවා.
2010 වසරේ ඇට්ලන්ටා හි පැවති “Fast Five” චිත්රපටයේ රූගත කිරීම් අතරතුර වින් ඩීසල් තමාට ලිංගික අතවර කළ බවට ඇස්ටා ජොනැසන් චෝදනා කරනවා.
ඇය තවදුරටත් සඳහන් කර ඇත්තේ මෙම සිදුවීමෙන් පැය කිහිපයකට පසු ඉතා අසාධාරණ ලෙස තමාව රැකියාවෙන් ඉවත් කිරීමටද සුපිරි නළු වින් ඩීසල් කටයුතු කර ඇති බවයි.
කෙසේවෙතත්, වින් ඩීසල් මෙම ලිංගික අපරාධ චෝදනා මුළුමනින්ම ප්රතික්ෂේප කරන බව ඔහුගේ නීතීඥවරයා සඳහන් කර තිබුණා.