පොලොන්නරුව, වැලිකන්ද කොවිඩ් – 19 විශේෂිත ප්‍රතිකාර මධ්‍යස්ථානයේ සේවය කරන වෛද්‍යවරුන් දෙදෙනෙකුටද වෛරසය ආසාදනය වී ඇත.
මෙම වෙද්‍යවරුන් දෙදෙනා ත්‍රිකුණාමලය දිස්ත්‍රික්කයේ සිට කොවිඩ් – 19 විශේෂිත ප්‍රතිකාර මධ්‍යස්ථානයට දෙසැම්බර් 25 වන දින පැමිණ ඇති අතර PCR පරීක්‍ෂණ සඳහා යොමු කිරීමෙන් පසු එම වාර්තා ලැබෙන තෙක් රාජකාරී සිිදු කර ඇත.
කෙසේ වෙතත් දෙසැම්බර් 26 දින එම වාර්තා ලැබී ඇති අතර එම වාර්තාවලින් තහවුරු වී ඇත්තේ ඔවුන්ට කොවිඩ් – 19 ආසාදිනය වී ඇති බවය.
එම වෛද්‍යවරුන් දෙදෙනා පොලොන්නරුව දිස්ත්‍රික් මහරෝහලේ නේවාසිකව ප්‍රතිකාර සඳහා යොමුකර ඇති අතර ඔවුන් දෙදෙනා සමඟ රාජකාරී කළ ආශ්‍රිතයන් ලෙස හෙද කාර්ය මණ්ඩල සාමාජිකයන් ඇතුළු සෞඛ්‍ය කාර්ය මණ්ඩලය 10 දෙනෙකු නිරෝධායනය සඳහා යොමුකර ඇත.
