කෑගල්ලේ ධම්මික බණ්ඩාර නමින් පෙනී සිටින කාලි දේවාලයේ කපු මහතා විසින් නිෂ්පාදනය කරන ලද කොරෝනා මර්දන පැණිය සඳහා ආයුර්වේද දෙපාර්තමේන්තුව විසින් ලබාදී තිබූ තාවකාලික බලපත්‍රය අහෝසි කර ඇති බව ආයුර්වේද කොමසාරිස් ජනරාල්වරයා පසුගිය 11වනදා නිවේදනය කර සිටියා.
ආයුර්වේද කොමසාරිස් ජනරාල්වරයා පැවසුවේ සායනික පරීක්ෂණවලින් ශක්‍යතාව තහවුරු තහවුරු නොවීම හේතුවෙන් ඒ සඳහා ලබා දී තිබූ තාවකාලික බලපත්‍රය අහෝසි කිරීමට කටයුතු කළ බවයි.
ඒ අනුව, එම පැණිය විකිණීම නීතියෙන් තහනම් වීම හේතුවෙන් ධම්මික බණ්ඩාර නැමැත්තාගේ ගෝලයන් එම පැණිය වළ දැමීමට කටයුතු කර තිබෙනවා.
පසුගිය වසරේ දෙසැම්බර් මාසයේ සිට කෑගල්ලේ ධම්මික බණ්ඩාර මහතා මෙම කොරෝනා මර්දන පැණිය නිෂ්පාදනය කිරීම ආරම්භ කර තිබුණා.
එය ලබාගැනීම සඳහා කෑගල්ලට දහස් ගණනින් සෙනඟ පැමිණිය අතර එයට රාජ්‍ය අනුග්‍රහයද හිමිවුණා.
කර්මාන්ත අමාත්‍ය විමල් වීරවංශ මහතා විසින් විශාල ප්‍රමාණයේ සාදික්කා ඇඹරුම් යන්ත්‍රයක්ද ධම්මික බණ්ඩාර මහතාට කර්මාන්ත අමාත්‍යංශයේ මැදිහත්වීමෙන් ලබාදී තිබූ අතර දේශීය වෙදකම් ප්‍රවර්ධන, ග්‍රාමීය හා ආයුර්වේද රෝහල් සංවර්ධන හා ප්‍රජා සෞඛ්‍ය රාජ්‍ය අමාත්‍ය සිසිර ජයකොඩි මහතාද එය ප්‍රවර්ධනය කිරීමට මහත් වෙහෙසක් ගත්තා.
එම පැණිය පාර්ලිමේන්තුව කරාද ලඟා වූ අතර කතානායක මහින්ද යාපා අබේවර්ධන මහතාද සෞඛ්‍ය අමාත්‍ය පවිත්‍රා වන්නිආරච්චි මහත්මියද පැණිය පානය කර පෙන්වා එය ප්‍රවර්ධනය කරනු ලැබූවා.
වීඩියෝව මෙතනින්..
