මරණ දඬුවම නියමවී සිටි දුමින්ද සිල්වා මහතාට ජනාධිපති පොදු සමාව ලබා දුන් නිසා ඊට හිලව් වශයෙන් බන්ධනාගාරගතව සිටින රන්ජන් රාමනායක මහතාටත් ජනාධිපති සමාව ලබාදෙන ලෙසට සමගි ජනබලවේගය විසින් ඉල්ලා නොසිටින බව එම පක්ෂයේ මහ ලේකම් රංජිත් මද්දුමබණ්ඩාර මහතා පවසන බව ‘දිවයින’ පුවත්පත වාර්තා කරනවා.
රන්ජන් රාමනායක මහතාට දුමින්ද සිල්වාට එල්ල වූ අන්දමේ බරපතළ චෝදනා එල්ල වී නොමැති බවත් එය සැලකිල්ලට ගෙන එය සැලකිල්ලට ගෙන රන්ජන් රාමනායක මහතාටත් ජනාධිපති සමාව ලබා දෙනු ඇතැයි සිය පක්ෂය අපේක්ෂා කරන බවත් එම මහතා වැඩිදුරටත් පවසයි.
උසාවි අපහාස කිරීමේ චෝදනාව මත රන්ජන් රාමනායක මහතා හට වසර හතරක සිර දඬුවමක් නියම කර තිබේ.
ජනපතිවරයාගෙන් රන්ජන් රාමනායක මහතා හට ජනාධිපති සමාව ඉල්ලා සිටින බව ක්‍රීඩා අමාත්‍ය නාමල් රාජපක්ෂ ඇතුළු රජයේ සාමාජිකයින් කිහිප දෙනෙකුද ප්‍රකාශ කර තිබෙනවා.
මරණීය දණ්ඩනය නියමව සිටි හිටපු පාර්ලිමේන්තු මන්ත්‍රී දුමින්ද සිල්වා බ්‍රහස්පතින්දා ජනාධිපති සමාව ලබා දීමෙන් අනතුරුව නිදහස් විය.
