මෙරටට බාල ඉන්ධන ආනයනය නොමැති බව බලශක්ති අමාත්‍ය ගාමිණී ලොකුගේ මහතා අවධාරණය කරනවා.
ඒ, අද (29) ශ්‍රී පොදුජන පෙරමුණේ ප්‍රධාන කාර්යාලයේදී පැවති මාධ්‍ය හමුවේදීය.
මෙරටට ගෙන්වන ඉන්ධනවල ප්‍රමිතිය නිසි ලෙස පරික්ෂා කර ඇති බවයි අමාත්‍යවරයා පවසන්නේ.
එමෙන්ම ඉදිරියේදී පිරිපහදු සඳහා ඉන්ධන ගෙන්වීමද සිදුකරන අතර එම කටයුතුවලටද ඉදිරියේදී බාධාවක් ඇති නොවන බව අමාත්‍යවරයා අවධාරණය කරනවා.
මේ මොහොත වන විටත් පෙට්‍රල් අවශ්‍ය පරිදි තිබෙන අතර ඩීසල් පවතින්නේ සීමිත ප්‍රමාණයක් වුවද ඩීසල් රැගත් නැවක් 31 වැනිදා මෙරටට පැමිණෙන බවත් ඉදිරි දින වලදීද එලෙස නැව් කිහිපයක් පැමිණීමට නියමිත හෙයින් අවුරුදු සමය වන විට ඉන්ධන සඳහා පවතින තදබදය සම්පූර්ණයෙන්ම නතර කර ගත හැකි බවත් ලොකුගේ අමාත්‍යවරයා පවසනවා.
