25 C
Colombo
Saturday, February 4, 2023

අපිට පෙරහැරේ ගෙනියන්න අලි ඇත්තු නැහැ. මහ සංඝරත්නය ජනපතිට දුක කියයි.

- Advertisement -

හිලෑ අලි ඇතුන්ගේ හිඟය නිසා පෙරහර මංගල්‍ය පැවැත්වීමේ දී මතුව ඇති ගැටළු විසඳීමට කෙටි කාලීන හා දීර්ඝ කාලීන වැඩපිළිවෙළක් අවශ්‍ය බව ජනාධිපති ගෝඨාභය රාජපක්ෂ මහතාට මහා සංඝරත්නය පෙන්වා දෙනවා.

පෙරහර මංගල්‍ය සදහා හීලෑ අලි ඇතුන්ගේ හිඟය නිසා මතුව ඇති ගැටළු පිළිබඳව ජනාධිපතිවරයා දැනුවත් කිරීම සදහා ඊයේ (12) පෙරවරුවේ ජනාධිපති කාර්යාලයේ පැවති සාකච්ඡාවේ ඊට සහභාගීවූ භික්ෂූන්වහන්සේලා පිරිසක් මෙම අදහස් පලකළා.

පෙරහර මංගල්‍යය අතීතයේ සිට පැවත එන දේශීය ආගමික හා සංස්කෘතික උරුමයක් බැවින් බෞද්ධ සංස්කෘතිකාංග සුරැකීමට මහා සංඝරත්නය සේම රජය ද බැඳී සිටින බව ද උන්වහන්සේලා මෙහිදී පෙන්වා දී තිබෙනවා.

හීලෑ අලි ඇතුන් අයිතිකරුවන්ගේ සංවිධානයේ නියෝජිතයන් පිරිසක්ද එම සාකච්ඡාවට එක්ව සිටියා.

ශ්‍රී දළදා මාළිගාවේ ඇසළ පෙරහර මංගල්‍ය ඇතුළු සෙසු ඓතිහාසික පෙරහර මංගල්‍ය සඳහා අවශ්‍ය හිලෑ අලි ඇතුන් සොයා ගැනීමට නොහැකිවීමෙන් මතුව ඇති ගැටළු මෙහිදී දීර්ඝ ලෙස සාකච්ඡාවට ලක් තිබෙනවා.

80 දශකය වන විට ශ්‍රී ලංකාවේ හීලෑ අලි ඇතුන්ගේ සංඛ්‍යාව 300 ත් 350 අතර පැවතුනද මේ වන විට එය 107 ක් දක්වා පහත වැටී ඇති අතර එම අලි ඇතුන්ගෙන්ද 80 ක් පමණ දැන් වයස අවුරුදු 50 ඉක්මවා තිබෙන බවද මෙහිදී ජනාධිපති ගෝඨාභය රාජපක්ෂ මහතාට පෙන්වා දී තිබෙනවා.

අතීතයේ සිට සෑම රාජ්‍ය නායකයෙකුම වෙහෙර විහාරස්ථාන සඳහා අලි ඇතුන් පූජා කර තිබෙන බවත් මියන්මාරය, බුරුමය, තායිලන්තය වැනි රටවලින්ද රාජ්‍ය තාන්ත්‍රික පදනමින් විහාරස්ථාන සඳහා අලි ඇතුන් තෑගි කිරීම සම්ප්‍රදායයක්ව පවතින බවත් මහා සංඝරත්නය මෙහිදී සදහන් කළා.

පෙරහැර කලාව සහ සංස්කෘතිය වෙනුවෙන් හීලෑ අලි ඇතුන් ගහණයක් රටට අවශ්‍ය බව තමා ද දැඩි සේ විශ්වාස කරන බව ජනධිපති ගෝඨාභය රාජපක්ෂ මහතා එම සාකච්ඡාවේදී පවසා තිබෙනවා.

හීලෑ අලි ඇතුන් නියාමනය සහ සංරක්ෂණය පිළිබඳ කොන්දේසී සැකසීමේදී හිමිකරුවන් සමඟද සාකච්ඡා කරන්නැයි ජනාධිපතිතුමා මෙහිදී නිලධාරීන් හට උපදෙස් ලබාදී තිබෙනවා.

අස්ගිරි පාර්ශ්වයේ අනුනායක අතිපූජ්‍ය ආණමඩුවේ ධම්මදස්සි, තිස්සමහාරාම රජමහා විහාරාධිපති පූජ්‍ය දේවාලේගම ධම්මසේන, කැළණිය රජමහා විහාරාධිපති මහාචාර්ය පූජ්‍ය කොල්ලුපිටියේ මහින්ද සංඝරක්ඛිත, ගංගාරාම විහාරාධිකාරී ආචාර්ය පූජ්‍ය කිරින්දේ අස්සජි හිමිපාණන් වහන්සේ ප්‍රමුඛ මහා සංඝරත්නය, ජනාධිපති ප්‍රධාන උපදේශක ලලිත් වීරතුංග, හීලෑ අලි ඇතුන් අයිතිකරුවන්ගේ සංවිධානයේ සභාපති නිලංග දෑල යන අය සහ රේඛීය අමාත්‍යාංශවල ලේකම්වරු ඇතුළු නිලධාරීන් පිරිසක් මෙම සාකච්ඡාවට එක්ව සිටියා.

RECENT ARTICLES - SINHALA

BREAKING – එලිෆින්ස්ටන් රඟහල ඉදිරිපිට සිටි අරගලකරුවන්ට ජල හා කදුළු ගෑස් ප්‍රහාරයක්

0
මරදාන එල්ෆින්ස්ටන් රඟහල ඉදිරිපිට ක්‍රියාත්මක වූ සාමකාමී අරගලය විසිරුවා හැරීමට පොලීසිය කදුළු ගෑස් සහ ජල ප්‍රහාරයක් එල්ල කර තිබෙනවා.

විදුලි කප්පාදුව ගැන ඉල්ලීම ශ්‍රේෂ්ඨාධිකරණය ප්‍රතික්ෂේප කරයි

0
උසස් පෙළ විභාග සමයේ පැවැත්වෙන කාලසීමාවේ දී විදුලිය කප්පාදු කිරීම වැළැක්වීමේ අතුරු නියෝගයක් ලංකා විදුලිබල මණ්ඩලය ඇතුළු වගඋත්තරකරුවන් වෙත නිකුත් කර ලෙස...

මහජන උපයෝගීතා කොමිසමේ සාමාජිකයන් දෙදෙනෙක් ඉවත් වෙයි

0
ශ්‍රී ලංකා මහජන උපයෝගීතා කොමිසමේ සාමාජිකයන් දෙදෙනෙක් වන මොහාන් සමරනායක සහ බී.කේ.යූ.ඒ. වික්‍රමසිංහ යන මහත්වරුන් අද (03) එම තනතුරුවලින් ඉල්ලා අස්වී තිබෙනවා.

RECENT ARTICLES - ENGLISH

Power cuts during A/L: Supreme Court rejects to issue interim order preventing power cuts

0
The Ceylon Electricity Board (CEB) informed the Supreme Court that it would withdraw the assurance to refrain from imposing power cuts until...

Two PUCSL members resign

0
Two members of the Public Utilities Commission of Sri Lanka, Mohan Samaranayake and Udeni Wickremasinghe handed over their resignation letters.

China hits back at Nuland’s ‘not enough’ remark, says to do something to help...

0
Chinese Foreign Ministry Spokesperson Mao Ning hit back at US Under Secretary of State for Political Affairs Victoria Nulandwho said during her...