ජනපති ගෝඨාභය රාජපක්ෂ මහතා සිය ධූරයේ සිටින තෙක් රට තුළ පවතින අර්බුදකාරී තත්ත්වයට විසඳුම් නොලැබෙන බව පාර්ලිමේන්තු මන්ත්‍රී අනුර කුමාර දිසානායක මහතා පවසනවා.
ඒ, අද (07) දින පාර්ලිමේන්තුව අමතමින්.
පාර්ලිමේන්තුවෙන් පිටත සිදුවන ජන අරගල වල මූලික අරමුණ වී ඇත්තේ ජනපීඩක ජනාධිපතිවරයාව ගෙදර යැවීම බවත් එය නොසලකමින් ජනතාව හති වැටී මෙම විරෝධතා නිමවෙනු ඇතැයි ආණ්ඩුව සිතන්නේ නම් එය වැරැද්දක් බවත් ඔහු පෙන්වා දෙනවා.
අර්බුදය විසඳීමට ආණ්ඩු පක්ෂය ගෙනෙන යෝජනා වලට සවන් දීමටත් තමන්ට යෝජනා ගෙන ඒමටත් හැකි වන්නේ ජන හඬට සවන් දී ජනාධිපතිවරයා ඉවත්වීමෙන් අනතුරුව පමණක්ම බවයි ඔහු අවධාරණය කරන්නේ.
ජනතාව සිය ගැටළු ඉදිරිපත් කරන විට ඒවා නොසලකමින් තමා අර්බුදයෙන් ඈත් වූ ජනාධිපතිවරයා භාර ගැනීමට ජනතාව සූදානම් නොමැති බවත් ඔහු පාර්ලිමේන්තුවට දැණුම් දී සිටියා.
