සංධානය තුල පවතින ගැටළුකාරී තත්වය මධ්‍යයේ වුවද ආණ්ඩුවෙන් ඉවත්ව විපක්ෂය ශක්තිමත් කිරීමට ශ්‍රී ලංකා නිදහස් පක්ෂය කිසිසේත් සුදානම් නොමැති බව අමාත්‍ය මහින්ද අමරවීර මහතා පවසනවා.
ඒ මහතා මේ බව ප්‍රකාශ කර සිටියේ ශ්‍රී ලංකා පොදුජන පෙරමු‍ණ මුහුණ දී ඇති ගැටළු සම්බන්ධයෙන් ඊයේ (12) මාධ්‍යවේදීන් මතුකල ගැටළු වලට පිළිතුරු දෙමින්.
ශ්‍රී ලංකා පොදුජන පෙරමු‍ණේ නායකයින් සමඟ සාකච්ඡා කර බිම් මට්ටමේ නිදහස් පක්ෂ සාමාජිකයන්ට මුහුණදීමට සිදුව ඇති ගැටලු සම්බන්ධයෙන් විසඳුම් ලබා දීමට කටයුතු කරන බවත් මෙහිදී පරිසර අමාත්‍යවරයා පවසා සිටියා.
මෙහිදී වැඩිදුරටත් අදහස් දැක්වූ අමාත්‍යවරයා,
“ඇත්තටම ගැටලුවක් තියෙනවා ඇත්තටම. නෑ කියන්න බෑනේ. ප්‍රධාන වශයෙන් අපේ ශ්‍රී ලංකා නිදහස් පක්ෂයේ කණ්ඩායම්වලට ක්‍රියාකාරිකයින්ට ආණ්ඩුවේ පාර්ශවකරුවන් විදියට සලකන්නේ නැති එක පිළිබඳ යම් ගැටලුවක් තියෙනවා. විවිධ කට්ටිය විවිධ දේ කිව්වත් පක්ෂයේ ප්‍රධානීන් එහෙම දෙයක් කිව්වේ නෑනේ. අපි බලපොරොත්තු වෙන්නේ සියලු දේවල් සාකච්ඡා කරන්න ජනාධිපති හා අගමැතිතුමා ඇතුළු ප්‍රධානීන් එකක්.“
