මත්කුඩු ජාවාරම් කිරීමේ චෝදනාවට මේ වන විට මරණ දණ්ඩනය නියමවී ඇති විදානගේ සමන්ත කුමාර නොහොත් වෙලේ සුදා නමැති පුද්ගලයාගේ මව සිය පුත්රයා වෙනුවෙන් අධිකරණයට ගොස් තිබෙනවා.
තාරක විජේසේකර නොහොත් කොස්ගොඩ තාරක ඇතුළු දෙදෙනෙකු පොලිස් භාරයට ගැනීමෙන් අනතුරුව මීට කිහිප දිනකට පෙර ඝාතනය කර ඇති බැවින් තම පුතාගේ ජීවිතය පිළිබඳවද බියක් තමාට ඇති බවයි ඇය පවසන්නේ.
එබැවින් සිය පුත්රයාගේ ජීවිත ආරක්ෂාව තහවුරු කිරීමට බන්ධනාගාර බලධාරීන්ට නියෝගයක් නිකුත් කරන ලෙසට ඉල්ලා ඔහුගේ මව විසින් අභියාචනාධිකරණයේ රිට් පෙත්සමක් ගොනු කර තිබෙනවා.
දෙහිවල ප්රදේශයේ පදිංචි රජගල්ගොඩ ගමගේ මාලනි නැමැති මෙම කාන්තාව අදාළ පෙත්සමෙන් ඉල්ලා ඇත්තේ බන්ධනාගාරයේ සිටින තම පුතාගෙ ආරක්ෂාව සහතික කිරීම සඳහා අවශ්ය පියවර ගන්නා ලෙස බන්ධනාගාර බලධාරීන්ට අතුරු තහනම් නියෝගයක් නිකුත් කරන ලෙසටයි.